मेरो अर्जुनदृष्टि कृषि क्षेत्रमा बिग्रिएका व्यवस्था फेर्न केन्द्रितः भुसाल - News Birat

मेरो अर्जुनदृष्टि कृषि क्षेत्रमा बिग्रिएका व्यवस्था फेर्न केन्द्रितः भुसाल

न्यूज विराट
बुटवल,  २९ कात्तिक-कृषि तथा पशुपन्छी विकास मन्त्री घनश्याम भुसालले कृषि क्षेत्रमा बिग्रिएको व्यवस्था फेर्न आफू अर्जुनदृष्टिका साथ लागेको बताएका छन् ।  मुलुकको कृषि व्यवस्था लामो समय अस्तव्यस्त हुँदा मुलुक गरिब बनेको भन्दै त्यसलाई फेर्न आफ्नो मुख्य प्रयत्न रहेको भुसालले स्पष्ट पारे ।

बुटवल उपमहानगरपालिका–१९ मा निर्माण गरिएको दुर्गा मन्दिरको सामुदायिक भवनको शनिबार बिहान उद्घाटन गर्दै भुसालले भने, ‘किसानको उत्पादन विक्री गरेर उनीहरुको सबै आवश्यकता पूरा गरेर बचत गर्ने सक्ने गरी कृषि क्षेत्रका विकास गर्दैछु । त्यस्तो व्यवस्था देखिन ४÷५ वर्ष लाग्छ । अहिले मेरो ध्यान त्यसैमा छ । मल नल्याउने ठेकेदारलाई कारबाही गरिएको छ । अब काम गर्छु भन्ने तर, नगर्नेले प्रवेश पाउँदैनन् ।’

रुपन्देही क्षेत्र नम्बर ३ का प्रतिनिधिसभा सदस्य समेत रहेका मन्त्री भुसालले हिउँदे बालीका लागि पर्याप्त मल नेपाल भित्रिएको जानकारी दिए । ‘मल नल्याउने ठेकेदारलाई कारबाही गरिएको र अब काम गर्छु भन्ने तर नगर्नेले प्रवेश मन्त्रालयमा ठेकेदारले प्रवेश नपाउने बताए ।

‘म विद्यार्थी राजनीतिमा हुँदा पनि किसानलाई मल र बिउ उपलब्ध गराउ भन्दै नारा लगाउथ्यौं । अहिले मन्त्री हुँदा पनि त्यही भन्नुपर्ने अवस्था छ । हेर्नुस त अवस्था कहिलेदेखि बिग्र्रिएको होला ?’ भन्दै भुसालले प्रश्न गरे ।

भुसालले थपे, ‘धानका लागि ठेकेदारले धोका दिएर मल नआए पनि हिउँदे बालीका लागि पर्याप्त मल विराटनगर, भैरहवा र पश्चिततर्फका डिपोमा आइसकेको छ ।

‘मलमा चुहावट पनि हुने रहेछ । युरिया मल किसानहरुलाई नदिएर मदिरा बनाउन र प्लाइउड उद्योगतर्फ पनि विचौलियाले पु¥याउँदा रहेछन् । त्यसतर्फ किसानहरु पनि सचेत हुनुपर्छ,’ मन्त्री भुसालले भने ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles