राजविराज, १ वैशाख-खडक नगरपालिकामा प्रहरी र स्थानीयबीच झपड भएको छ । नगरपालिकाको वडा नम्बर ६ मा लकडाउन कार्यान्वयन गराउन इलाका कार्यालयबाट कल्याणपुर खटिएका प्रहरी र बासिन्दाबीच झडप भएको हो  ।

प्रहरीले बासिन्दालाई सडकमा ननिस्कन आग्रह गर्दा स्थानीय केही युवाबीच विवाद भएको थियो । युवासँगको विवादपछि प्रहरी र बासिन्दाबीच झडप भएको हो । युवासँगको विवादपछि प्रहरीले बासिन्दामाथि लाठी चार्ज गरेको थियो । लाठी चार्जबाट जोगिन भाग्ने क्रममा एक महिलाको मृत्यु भएको छ । भागदौडमा स्थानीय ६५ वर्षीया जैनव खातुनको मृत्यु भएको छ ।

खातुनको भाग्ने क्रममा लडेर मृत्यु भएको हो । खातुनका आफन्तले भने उनकने प्रहरीले कुटपिट गर्दा मृत्यु भएको आरोप लगाएका छन् । सप्तरीका डिएसपी तिलक भारतीले ब्लडप्रेशरका कारण बेहोस भएर खातुन लडेको र तथा उपचारको लागी स्थानिय एडभान्स अस्पताल कल्याणपुरमा उपचारको क्रममा मृत्यु भएको बताए ।