विराटनगर, चैत १२–नेपाल कम्युनिष्ट पार्टी (नेकपा) मोरङले आफु बसेको ठाउँको अवस्थाको सूचना राख्न र अफ्ठ्यारोमा परेकालाई सहयोग गर्न पार्टी सदस्यहरुलाई आव्हान गरेको छ । नेकपा मोरङका अध्यक्ष ऋषिकेश पोखरेल र सचिव गणेश उप्रेतीले बुधबार एक अपिलल जारी गर्दै संघीय, प्रदेश र स्थानीय सरकार तथा प्रशासनले गरेको निर्णयहरु पूर्ण पालना गर्न पार्टीपंक्ति र कार्यकर्ताहरुलाई निर्देशन समेत गरेका हुन्।

‘लकडाउन’ को अवस्थामा विपन्न परिवारका बालबच्चा, रोगी, जेष्ठ नागरिक र भोकै बस्नुपर्ने तथा औषधिसमेत नपाउने अवस्था समाजमा आइपर्न सक्ने तर्फ ध्यान दिन नेकपाले आग्रह गरेको छ । अपिलमा क्षेत्रीय, पालिका, स्थानीय कमिटी तथा जनसंगठनका सदस्यहरुलाई आवश्यक समन्वय, उद्दार, राहात तथा सबै प्रकारको सहयोग गर्न आग्रह गरिएको छ ।