राशिफल

विदेशमा रहेका १२ नेपालीमा कोरोना पुष्टि, २ जनाको मृत्यु

 न्यूज विराट
विदेशमा रहेका १२ नेपालीमा कोरोना पुष्टि, २ जनाको मृत्यु

वैदेशिक रोजगारीमा रहेका र विदेशमा बसोवास गर्दै आएका १२ जना नेपालीमा कोरोना भाइरस संक्रमण भएको पुष्टि भएको छ । ती १२ जनामध्ये २ जनाको मृत्यु भएको छ ।

यूएईमा २ जनालाई कोरोना भाइरस लागेको थियो । उनीहरू उपचारपछि निको भएको यूएईस्थित नेपाली दूतावासले जनाएको छ । रोजगारीका लागि पोर्चुगल पुगेका २ जना नेपालीमा कोरोना भाइरस संक्रमण देखिएको छ । हाल उनीहरूको पोर्चुगलमै उपचार भइरहेको छ ।

पोल्याण्ड रोजगारीका लागि गएका २ जना नेपालीमा पनि कोरोना भाइरस देखिएको छ । उनीहरूको हाल त्यही देशमा उपचार भइरहेको छ । अमेरिकाको न्युयोर्कमा २ जना नेपालीलाई कोरोना भाइरसको संक्रमण देखिएको छ । ज्याक्सन हाइटमा बस्ने ५० वर्षीय एक व्यक्तिसहित अर्का ४७ वर्षीय ट्याक्सी चालक पनि संक्रमित भएका हुन् । एक जनाको मृत्यु भएको छ भने एक जनाको उपचार भइरहेको छ ।

लन्डनमा एक नेपाली महिलालाई कोरोना भाइरसको संक्रमण भएको छ । उनी लन्डनमा सामाजिक अभियन्ता हुन् । हाल उनको लन्डनमा उपचार भइरहेको छ ।

यस्तै, करिब ३ साताअघि नेपालबाट बिदा मनाएर फर्किएका एक विद्यार्थीमा कोरोना भाइरसबाट संक्रमण पाइएको छ । अस्ट्रेलियाको तास्मानियास्थित स्वास्थ्य अधिकारीहरूले करिब २० वर्षका ती विद्यार्थी संक्रमित भएको र उनको आइसोलेसनमा राखेर उपचार भइरहेको बताएका छन् ।

खाडीका देश, युरोपका मुलुक, अमेरिका, क्यानडा, मलेसिया, भारत, अफ्रिकी देशमा रहेका कति नेपालीमा कोरोना भाइरसको संक्रमण देखिए पनि बाहिर आएको छैन । विदेशमा रहेका श्रमिक, विद्यार्थी, व्यापारी र अन्य पेसा गर्दै आएका नेपाली कोरोनाको उच्च जोखिममा छन् ।

कोरोना भाइरसको संक्रमणबाट विश्वमा १८ हजार ९ सय ७ जनाको मृत्यु भएको छ भने ४ लाख २२ हजार ८ सय ३९ जनामा कोरोना भाइरसको पुष्टि भएको छ । कोरोना भाइरसको संक्रमण भएका १ लाख ९१ हजार २ जना निको भएका छन् ।

सम्बन्धित समाचार

एभरेष्टमा चाँडपर्वको अवसरमा बिविध कार्यक्रम

विराटनगर । एभरेष्ट एजुकेशन फाउण्डेसन अन्तर्गत सञ्चालित विराटनगर– ५ स्थित एभरेष्ट मन्टेश्वरी विद्यालयमा आज मुख्य चाँडपर्वहरुको अवसरमा विभिन्न कार्यक्रम गरिएको छ । नेपालीहरुका महान पर्वहरु बडादशैं, तिहार, छठलगायतका पर्व कसरी मनाइन्छ भन्ने  झल्को दिने गरि...

मापसेसँगै मोरङ ट्राफिक प्रहरीको लापसे अभियान पनि सुरु

विराटनगर । सार्वजनिक सवारीसाधनका कर्मचारी (चालक, सहचालक, परिचालक) लाई लक्षित गरेर मोरङ ट्राफिक प्रमुख प्रहरीले विराटनगरमा लापसे (लागू पदार्थ सेवन) सम्बन्धी चेकजाँच अभियान सुरु गरिएको छ ।नेपाल प्रहरीको लागूऔषध नियन्त्रण ब्युरोसँग समन्वय गरेर ट्राफिक प्रहरीले...

विराटनगरमा पर्यटन सूचना केन्द्रको स्थापना

विराटनगर । नेपाल उद्योग वाणिज्य महासंघ प्रदेश नम्बर १ को सचिवालयमा पर्यटन सूचना केन्द्रको स्थापना गरिएको छ ।पर्यटन दिवसको अवसरमा मंगबलार विराटनगरस्थित नेपाल उद्योग वाणिज्य महासंघ प्रदेश १ को सचिवालयमा पर्यटन सुचना केन्द्र स्थापना गरिएको...

औषधी व्यवसायी देशबन्धु ढकालले जन्मदिन वृद्धाश्रममा मनाए

विराटनगर । पछिल्लो समय जन्मदिन मनाउने शैली फरक भएको छ । हजारौँ खर्च खर्चिएर रेस्टुरेन्ट होटेलमा पार्टी दिने प्रचलन रहेको छ । तर, नेपाल औषधी व्यवसायी संघ मोरङका उपाध्यक्ष तथा प्रवक्ता देशबन्धु ढकालले फजुल खर्च...