विराटनगर, फागुन २०–नेपाली कांग्रेसका बरिष्ठ नेता रामचन्द्र पौडेलले सरकारले राम्रो काम नगरेका कारण जनता निराश भएको बताएका छन् । मंगलबार पिताजी कृष्णप्रसाद कोइराला स्मृत्ती परिषद्ले विराटनगरमा आयोजना गरेको सम्मान समर्पण कार्यक्रममा नेता पौडेलले यस्तो बताएका हुन् । जनताले विश्वास गरेर कम्युनिष्टलाई बहुमत दिए पनि सरकारले जनताको अपेक्षा अनुसार काम गर्न नसकेको उनको आरोप थियो ।

पौडेलले पार्टी भित्र धेरै विकृतिका विषय उठाए पनि बाहिर केहि नबोल्नु आफूवाट गल्ती भएको बताए । उनले पार्टी नेतृत्व स्वेच्छाचारी भएका कारण पार्टी भित्र धेरै विकृत्ति आएको पौडेलको दाबी छ । कार्यक्रममा महेन्द्र मोरङ क्याम्पवसका पूर्व प्रमुख गोपालप्रसाद शर्मालाई सम्मानित गरिएको थियो ।

शर्मालाई बरिष्ठ नेता रामचन्द्र पौडेल, नेपाली कांग्रेसका केन्द्रीय सदस्य महेश आचार्य, परिषद्का अध्यक्ष अशोक कोइरालालगायतले माला दोसल्ला र सम्मानपत्रले सम्मानित गरेका थिए । कार्यक्रममा नेपाली कांग्रेसका केन्द्रिय सदस्य डा. शेखर कोइराला, अमृत अर्याल, नेपाली कांग्रेस प्रदेश १ का प्रमुख सचेतक केदार कार्की, बरिष्ठ साहित्यकार दधिराज सुवेदीलगायतले प्रजातन्त्र स्थापनामा पिताजी कृष्णप्रसाद कोइरालाले पु¥याएको योगदानको चर्चा गरेका थिए ।