सीसीटीभीमा देखिए बम राख्ने दुई जना - News Birat

सीसीटीभीमा देखिए बम राख्ने दुई जना

न्यूज विराट

काठमाडौं, ६ फागुन । काठमाडौंको कलंकीमा गएराति प्रेसर कुकर बम राखेर भाग्ने दुई जना सीसीटीभी फुटेजमा देखिएको थानकोट प्रहरीले जनाएको छ । प्रहरी नायब निरीक्षक रमानन्द चौधरीका अनुसार कलंकीमा मध्यराति हिँडिरहेका शंकास्पद दुई व्यक्तिलाई  सोधीखोजी गर्दा झोलामा राखेको बम छोडेर उनीहरू भागेका थिए ।

भाग्नुअघि उनीहरू र प्रहरीको गस्ती टोलीबीच लछारपछार चलेको थियो ।

बम राख्ने व्यक्तिको नाम र आवद्धताबारे नखुले पनि सीसीटीभी फुटेजका आधारमा उनीहरूको खोजी भइरहेको असई चौधरीले बताए । कालिका पेट्रोल पम्पअगडि भेटिएका दुवै बम नेपाली सेनाको टोलीले निस्कृय पारिसकेको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles