काठमाडौं, फागुन १४–हिंसा भड्काउन उक्साएको आरोपमा दिल्ली उच्च अदालतले सत्तारूढ भारतीय जनता पार्टीका नेता कपिल मिश्रासहित तीन जनाविरुद्ध एफआईआर दर्ज गर्न प्रहरीलाई निर्देशन दिएको छ । पछिल्लो घटनाक्रम र कारबाहीप्रति असन्तुष्टि जनाउँदै अदालतले भाजपाका नेता मिश्रासहित अनुराग ठाकुर र परवेश वर्मा्विरुद्ध एफआईआर दर्ज गर्न पुलिसका स्पेसल कमिनरलाई निर्देशन दिएको हो ।
अदालतले भिडियोका आधारमा एफआईआर दर्ज गर्न भनेको भारतीय सञ्चारमाध्यमले जनाएका छन् । साथै शुक्रबारभित्र यस सम्बन्धमा भएको कारबाहीको प्रगति अदालतमा बुझाउन पनि भनिएको छ । यो मामिलाको सुनुवाई दुई न्यायाधीसको बेञ्चले गरेको हो जुन बेञ्चको अध्यक्षता न्यायाधीश एस मुरलीधरले गरेका थिए । अदालतले भनेको छ, ‘हामी चाहँदैनौं, दिल्लीको हिंसाले १९८४ को दंगाको रूप लेओस् ।’
