कांग्रेसकाे प्रदेशसभा क्षेत्रीय अधिवेशन आज - News Birat

कांग्रेसकाे प्रदेशसभा क्षेत्रीय अधिवेशन आज

न्यूज विराट

काठमाडौं, ३ मंसिर । नेपाली कांग्रेसले पहिलाेपल्ट प्रदेशसभा क्षेत्रीय अधिवेशन गर्दै छ । पार्टीकाे १४औँ महाधिवेनअन्तर्गत आजदेखि प्रदेशसभा क्षेत्रीय अधिवेशन सुरु हुन लागेकाे हाे ।

स्थानीय तहकाे अधिवेशन भएका जिल्लामा आज प्रदेशसभा क्षेत्रीय अधिवेशन हुने कांग्रेसकाे केन्द्रीय निर्वाचन समितिले जनाएकाे छ । समितिका अनुसार धेरैजसाे जिल्लामा आज अधिवेशन हुने छ । जुन-जुन जिल्लामा आज अधिवेशन हुँदैन, त्यहाँ जिल्ला निर्वाचन अधिकृतले नयाँ मिति तोक्ने छन् ।

संवैधानिक व्यवस्थाअनुसार ३३० प्रदेशसभा निर्वाचन क्षेत्रमा कांग्रेसको नयाँ कार्यसमिति चयन हुनेछ। कांग्रेसले स्थानीय तहमा निर्देशिका बनाएर सहमतिमै प्रदेशसभा क्षेत्रीय कार्यसमिति चयन गरिसकेकाे छ । प्रदेशसभा क्षेत्रीय अधिवेशनले प्रदेश महाधिवेशन प्रतिनिधिसमेत चुन्ने छ । ती महाधिवेशन प्रतिनिधिले प्रदेश कमिटी छान्ने छन्र । कांग्रेसको प्रदेशसभा अधिवेशन मंसिर १६ र १७ गते तथा केन्द्रीय महाधिवेशन मंसिर २४ देखि २६ सम्म काठमाडौंमा हुने निर्धारित कार्यतालिक छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles