मिथिला मध्यमा परिक्रमाको प्रचण्डले गरे उद्घाटन - News Birat

मिथिला मध्यमा परिक्रमाको प्रचण्डले गरे उद्घाटन

न्यूज विराट

जनकपुर, फागुन ११–मिथिलाञ्चल क्षेत्रको महाकुम्भको रूपमा रहेको १५ दिने मिथिला मध्यमा परिक्रमाको यस वर्षको शुभारम्भ नेपाल कम्युनिस्ट पार्टीका अध्यक्ष पुष्पकमल दाहाल (प्रचण्ड)ले डोला उठाएर गरेका छन् ।

नेपाल–भारतबीच सांस्कृतिक सम्बन्ध कायम राख्दै आएको मध्यमा परिक्रमामा धनुषाको मिथिला बिहारी नगरपालिकाको कचुरीस्थित मिथिला बिहारी मन्दिरबाट डोला र जनकपुरको रत्नसागर मन्दिरबाट माता सीताको डोलाको प्रमुख सहभागिता रहने गरेको छ । दुवै मन्दिरबाट उठेका डोला जनकपुरधामको हनुमान नगरस्थित हनुमानगढीबाट परिक्रमाका लागि सँगै उठेपछि औपचारिक शुभारम्भ हुने परम्परा रहँदै आएको छ । तर, यस वर्ष परिक्रमा प्रस्थानको अध्यक्ष प्रचण्डले मिथिला बिहारीको डोला उठाएर शुभारम्भ गरेका हुन् । डोलासँगै हजारौँ व्यक्तिले परिक्रमा गर्ने गर्छन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles