सम्झाना खत्री परियारको हत्याका अभियुक्त उनकै प्रेमी - News Birat

सम्झाना खत्री परियारको हत्याका अभियुक्त उनकै प्रेमी

न्यूज विराट

विराटनगर, माघ २६–विराटनगर १२ स्थित उखुबारीमा माघ २४ गते मृत भेटिएकी सम्झना खत्री परियारको अवैध प्रेम सम्बन्धका कारण हत्या भएको खुलेको छ । सम्बन्धमा तिक्तता आएपछि सप्तरी घर भएका २५ बर्षिय सुरेन्द्र साहले उनको हत्या गरेको प्रहरी अनुसन्धानमा खुलेको छ । भनिन्छ पाप धुरीबाट कराउँछ । दुहबीमा बस्दै आएर विराटनगरमा हत्या गरिएकी सम्झना खत्री परियार हत्या प्रकरणमा यस्तै भएको छ । उक्त प्रकरणमा मृतकसँग अवैध सम्बन्ध रहेका प्रेमी सुरेन्द्र साहले आफुले सम्झनाको हत्या गरेको स्वीकार गरेका छन् ।

सप्तरीको कृष्णश्रवण गाँउपालिका ३ मा स्थायी घर भएर बुढीगंगा गाँउपालिका ३ मा डेरा गरि बस्दै आएका २५ बर्षिय अभियुक्त सुरेन्द्र प्रसाद साहले आफुले सम्झनाको हत्या गरेको स्थान,उनलाई लिएर आएको बाटो र हत्यामा प्रयोग गरेको हतियारका बिषयमा समेत प्रहरीलाई सबिस्तार बताएका छन् । अभियुक्त साहले दिएको बयानलाई भेरीफाई गर्न मोरङ प्रहरीका प्रमुख प्रहरी उपरिक्षक विश्व अधिकारी नेतृत्वको अनुसन्धान टोलीले अभियुक्तलाई हत्या गरेको स्थानमा लिएर पुग्दा अभियुक्तले घटना घटाएको बिषयमा सविस्तार बताएका थिए । अभियुक्त साहले सम्झनासँ ग ३ बर्ष अघिदेखीनै आफ्नो प्रेम सम्बन्ध रहेको बताएका छन् ।

एउटै उद्योगमा काम गर्ने क्रममा आफुहरुबीच चिनजान भएको र त्यो सम्बन्ध प्रेम सम्बन्धमा बदलिएको प्रहरी सामु बताएका छन् । प्रेम सम्बन्धमा तिक्तता आएपछि अभियुक्तले सम्झनाको हत्या गरेको प्रहरी उपरिक्षक अधिकारीले बताए । हत्या गरिएको दिन माघ २१ गते आफुलेनै सम्झनालाई बाँसबारीचोकबाट नहरको बाटो मोटरसाईकलमा लिएर आएको र घटनास्थलमा आईपुग्दा बादविवाद र झगडा भएको आवेशमा सलले घाँटी कसेर बाँसको धारिलो चोयाले रेटेर हत्या गरेको बताएका छन् । घटना घटाएपछि रिङरोडकै बाटो हुँदै उत्तरतर्फ लागेका साह हत्यामा प्रयोग गरिएको बाँसको चोया विराटनगर ६ ब्रम्हपुरास्थित केशलिया पुलमाथिबाट खोलामा फालेका थिए ।

लगत्तै खोलामा झरेर अभियुक्त साहले हातमा लागेको मृतकको रगत पखालेर फेरी बुढीगंगास्थित डेरातर्फ फर्किएका थिए । हत्यामा संलग्न अभियुक्त साहलाई प्रहरीले सम्झनाको शव भेटिएकैदिन २४ गते साँझ नियन्त्रणमा लिएको थियो । मृतकका श्रीमानले श्रीमति हराएको निवेदन दिन जाँदा शंकास्पद व्यक्तीकोरुपमा साहको नाम टिपाएका थिए ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles