काठमाडौं, फागुन ३–कतार एयरवेज सहिद स्मारक ए डिभिजन लिगको उपाधि मछिन्द्र क्लबले जितेको छ। शनिबार भएको लिगको अन्तिम खेलमा विभागीय त्रिभुवन आर्मी क्लबलाइ १–० गोलले हराउादै मछिन्द्रले पहिलोपटक ए डिभिजन लिगको उपाधि जितेको हो।

दशरथ रंगशालामा भएको खेलमा आर्मीले आत्मघाती गोल खाएसँगै मछिन्द्रले सुरूवाती अग्रता बनाएको थियो। खेलको ३२ औं मिनेटमा आर्मीका खेलाडीले बल क्लियर गर्न खोज्दा आफ्नै पोष्टमा गोल भएको थियो। उपाधि जित्नको लागि बराबरी भएमात्रै पनि पुग्ने आर्मीले गोल फर्काउन नसक्दा हार बेहोर्याे। जितसँगै मछिन्द्रले १३ खेलबाट १० मा जित, २ बराबर र १ हार सहित ३१ अंकका साथ उपाधि जितेको हो। आर्मीले भने समान खेलबाट २९ अंकको साथ उपविजेतामा चित्त बुझायो।