विराटनगर, फागुन २–पूर्व संघिय मामिला तथा सामान्य प्रशासनमन्त्री तथा मोरङ क्षेत्र नं. ६ का संघिय सांसद लालबाबु पण्डितले मोरङको बुढिगंगा गाउँपालिका–२ स्थित दिनाभद्री सामुदायीक भवनको शिलान्यास गरेका छन् । तराईको दलित समुदाय अन्तर्गत ऋषिदेव जातीको संस्कृती संरक्षणका लागि संघिय मामिला तथा सामान्य प्रशासन मन्त्रालय अन्र्तगतको तराई मधेश समृद्धि कोषबाट निर्माण हुने दिनाभद्री सामुदायिक भवनको शिलान्यास गरेका हुन् ।

पण्डितलेनै मन्त्रीपदमा रहँदा सो सामुदायीक भवनका लागि ४४ लाख रुपैयाँ बजेट बिनियोजन गरेका थिए । तराईका मधेशी, आदिवासी जनजाती, दलिम, महिला, मुस्लिमलगायतका सिमान्तकृत समुदायले सरकारले तराईको विकासमा उपेक्षा गरेको बारम्बार गुनासो गरेपछी सरकारप्रती अवनत्वको भावना जागृत गराउन पण्डितलेनै तराई मधेश सामृद्धि कार्यक्रमको आधारणा बनाएका हुन् ।

सोही कार्यक्रम अन्तर्गत ऋषिदेव समुदायका लागि निर्माण हुने सामुदायी भवनको पण्डितले शिलान्यास गरे । ऋषिदेव समुदायका जनताहरुको इक्छा र चासोलाई मध्यनजरगर्दै दिनाभद्री सामुदायिक भवनको पहल गरिएको पण्डितले बताए । सामुदायीक भवनले ऋषिदेव समुदायका जनताहरुलाई विवाहलगायत विभिन्न सामाजिक काममा सहज हुने मात्र नभई वर्षेनी आउने बाढी र प्राकृतिक विपत्तिबाट जोगिन समेत मदत पुग्ने पण्डितले दावी गरे ।

उनले तराई मधेश समृद्धि कार्यक्रम तीब्र गतिमा अघि बढेको बताउँदै तराईका जनताको गुनासो सम्बोधन भइरहेको दावी गरे । उनले लामो समय सम्म विकासको गतिमा पछि परेको तराई मधेशको पूर्वाधार र सामाजिक विकास उक्त कार्यक्रम मार्फत भइरहेको जानकारी दिए । उनले राजनिती जनताको सेवा भएकाले सोही अनुरुप आफ्नो निर्वाचनका क्षेत्रको चौतर्फी विकासमा लागि परेको बताए । सांसद पण्डितले चालु आर्थिक वर्षमा सो निर्वाचन क्षेत्र अन्तर्गत सवै विषयगत मन्त्रालय मार्फत अर्बौँ रुपैयाँ बजेट बिनियोजन भएकोसमेत जानकारी दिए ।

शिलान्यास कार्यक्रममा नेपाल कम्युनिष्ट पार्टी (नेकपा) का १ नं. प्रदेश कमिटी सदस्य सत्यनारायण चौधरीले तराई मधेश समृद्धि कार्यक्रम मार्फत तराईका विभिन्न जिल्लामा सामुदायीक भवन निर्माणले विभिन्न जातजाती, भाषा, धर्म र सँस्कृतीको संरक्षण हुने विश्वास व्यक्त गरे । उनले निर्वाचनमा जनताले पण्डितलाई सही जनप्रतिनिधिको रुपमा चुनेकालेनै मोरङ क्षेत्र नं. ६ को विकास तिब्र रुपले अघि बढेको बताए । पूर्वाधार मात्र नभई सो क्षेत्रको चौतर्फी विकासले फड्को मार्दै गएको उनले दावी गरे ।

कार्यक्रममा स्थानिय ऋषिदेव अगुवा सन्या ऋषिदेवले कुनैपनि सरकारले ऋषिदेव समुदायका लागि बजेट बिनियोजन नगरेको बताउँदै पण्डितले ऋषिदेवका लागि पनि सरकार रहेको अनुभुति गराएको बताए । कार्यक्रमा नेकपाका प्रदेश कमिटी सदस्य उपेन्द्र राय, जिल्ला कमिटी सदस्यहरु, स्थानिय दलित अगुवा, समासेवी बुद्धिजिवीलगायतको बाक्लो उपस्थिती रहेको थियो ।