विराटनगर, माघ २७–मोरङको रतुवामाई नगरपालिकामा सोमबारदेखि २ दिने शल्यक्रियासहितको विशेषज्ञ स्वास्थ्य शिविर सुरु भएको छ । रतुवामाई नगरपालिकाको नगर अस्पतालको रुपमा सञ्चालन हुन लागेको प्राथमिक स्वास्थ्य केन्द्र झुर्कियामा सोमबारदेखी दुई दिने आँखा, कान, नाक, घाँटी सम्बन्धी रोगहरुको शल्यक्रिया सहित निःशुल्क स्वास्थ्य शिविर सुरु भएको हो ।
रतुवामाई नगरपालिकाको सहयोग, वि.पि. नेत्र प्रतिष्ठान, आँखा–कान–नाक–घाँटी उपचार केन्द्र सौँठाको आयोजना तथा वि.पि नेत्र प्रतिष्ठान, आँखा–कान–नाक– घाँटी अस्पताल तथा पुनःस्थापना केन्द्र, भक्तपुरको प्राविधिक सहयोगमा विशेषज्ञ स्वास्थ्य शिवीर सुरु भएको हो । शिविरको रतुवामाई नगरपालिकाका मेयर रवीन राइले उद्घाटन् गरे ।
सो अवसरमा बोल्दै मेयर राईले नगरका सवै जनताहरुलाई सर्वसुलभरुपले सबै किसिमका सेवाहरु उपलब्ध गराउने बताए । ‘बाटो घाटो बनाएर मात्र नगरको विकास हुँदैन । नगरको चौतर्फी विकास भएमात्र यहाँको विकास हुन्छ ।’ उनले भने,‘जनताका आधारभुत आवश्यकता सम्बन्धी सबै सेवा नगरपालिकाले उपलब्ध गराउँछ । त्यसैले सहजरुपले गाउँमै नगरवासीले स्वास्थ्य सेवा पाउनुपर्छ भनेर नगरपालिकाले शिविरको आयोजनाका लागि सहयोग गरेको हो । सवैले यो मौकाको लाभ उठाउनुहोस् ।’
मेयर राईले हाल वि.पि नेत्र प्रतिष्ठान आँखा–कान–नाक–घाँटी उपचार केन्द्र सौँठाबाट सेवा प्रवाह भैरहेको बताउँदै प्रतिष्ठानको स्थायी संरचना निर्माण भईरहेको जानकारी दिए । उनले संरचना निर्माण सम्पन्न भएपछि सेवा विस्तार सहित स्थायी रुपमा स्थायी रुपमा स्वास्थ्य सेवा उपलब्ध हुने बताए ।
कार्यक्रममा शिविर संयोजक शुभाष न्यौपानेले शिविरमा नेपाल मात्र नभएर छिमेकी मुलुक भारतका विरामीले समेत सेवा लिइरहेको जानकारी दिए । उनले दक्षिणपूर्वी ग्रामिण भेगमा शल्यक्रिया सहितको पहिलो स्वास्थ्य शिविर भएकाले सीमावर्ती क्षेत्रका भारतीय नागरिकले पनि लाभ लिइरहेको बताए । शिविरको पहिलो दिन सोमबार २६१ जनाले सेवा लिएका छन् ।
शिविरमा निःशुल्क आँखाको नाक कान घाँटीको परिक्षण, मोतिविन्दु तथा कानको निशुल्क शल्यक्रिया, सहुलियत दरमा चस्मा तथा श्रवण यन्त्र वितरण गरिने छ । त्यस्तै शिविरमा उपचार हुन नसक्ने दृष्टिविहीन तथा कान नसुन्ने ३ देखि ८ वर्षका बालबालिकाहरुको लागि परामर्श गरी विद्यालय भर्ना गर्ने व्यवस्था मिलाउने, उमेर पुगिसकेका दृष्टिविहीन तथा कान नसुन्ने हरुका लागि परामर्श र जिवनोपयोगी तालिम दिने व्यवस्था गरिने नगरपालिकाले जनाएको छ ।
विराटनगर । पाहुना टोली भारत केरलाको लुका सकर क्लब साताँै संस्करणको विराट गोल्डकपको सेमिफाइनलमा पुगेको छ । विराटनगरस्थित सहिद मैदानमा आइतबार राती भएको अन्तिम क्वाटरफाइनल खेलमा ‘ए’ डिभिजन क्लब संकटालाई सडनडेथमा हराउँदै भारत सेमिफाइनल यात्रा...
विराटनगर । विराटनगरस्थित न्यूरो हस्पिटलले विश्व छारेरोग दिवसको अवसर पारेर सचेतनामुलक र्याली निकालेको छ । आइतबार विहान विराटनगरमा सचेतनामुलक र्याली निकालेको हो । न्यूरो हस्पिटलदेखि सुरू भएको र्यालीले विराटनगर महानगरपालिका भित्र नगर परिक्रमा गरेको थियो...
अंकित पोखरेल विराटनगर । पाहुना टोली भुटानको ड्रक लयुल फुटबल क्लबलाई स्तब्ध बनाउँदै साविक विजेता सशस्त्र प्रहरी बल (एपीएफ) सातौं संस्करणको विराट गोल्डकपको सेमिफाइनलमा पुगेको छ । विराटनगरस्थित सहिद मैदानको फ्लड लाईटमा शनिबार राती भएको...
विराटनगर । ढुवानी व्यवसायीहरुले सामान आयत निर्यात गर्दा राज्यले सहजीकरणको लागी आवश्यक पहल कदमि गरिदिनुपर्ने व्यवसायीहरुले बताएका छन् ।ट्रान्सपोर्ट एसोसिएसन विराटनगर मोरङको १३ औं वार्षिक साधरण सभा तथा ७ औं अधिवेशनको उद्घाटन शत्रमा शनिबार बोल्दै...
पत्रकारिताको नयाँ आयामको रुपमा न्युजबिराट डट कम उपस्थित भएको छ । जनताको सूचनाको हक स्थापित गर्ने र आवाजविहिनहरुको आवाज बलियो बनाउने उद्देश्यसहित हामी आएका हौं । सत्य र न्यायप्रतिको पक्षधरतासहितको स्वतन्त्र प्रत्रकारिता हाम्रो मिसन हो ।