कोरोना संक्रमणबाट मृत्यु हुनेको संख्या २७ हजार नाघ्यो, अमेरिकामा १ लाख संक्रमित

 न्यूज विराट
कोरोना संक्रमणबाट मृत्यु हुनेको संख्या २७ हजार नाघ्यो, अमेरिकामा १ लाख संक्रमित

विश्वभर कोरोना भाइरस (कोभिड–१९) को संक्रमणबाट ज्यान गुमाउनेको संख्या २७ हजार नाघेको छ । शनिबार बिहान ६ बजेसम्म ५ लाख ९४ हजार ६ सय ८७ जनामा भाइरस संक्रमणको पुष्टि भइसकेको छ ।

पछिल्लो तथ्यांक अनुसार १ लाख ३३ हजार ६ जना संक्रमित उपचारपछि निको भएका छन् । अमेरिकामा कोरोना संक्रमितको संख्या एक लाख नाघेको छ । त्यहाँ पछिल्लो २४ घण्टामा मात्रै १७ हजार २९ नयाँ संक्रमित भेटिएका छन् ।

योसँगै अमेरिकामा संक्रमितको संख्या एक लाख २ हजार ४६४ पुगेको छ । अमेरिकामा कोरोनाबाट एक हजार ६०७ जनाको मृत्यु भइसकेको छ ।

सबैभन्दा धेरै मानिसको मृत्यु भने इटलीमा भएको छ । त्यहाँ कोरोनाका कारण मृत्यु हुनेको संख्या ९ हजार १ सय ३४ जना पुगेको छ । इटलीमा पछिल्लो २४ घण्टामा मात्रै ९०९ जनाले संक्रमणबाट ज्यान गुमाएका छन् । त्यहाँ संक्रमितको संख्या ८६ हजार ४ सय ९८ पुगिसकेको छ ।

स्पेनमा ५ हजार १ सय ५८ जनाको मृत्यु भएको छ । संक्रमितको संख्या त्यहाँ ६५ हजार ७१९ पुगेको छ । कोरोनाको संक्रमण सुरु भएको चीनमा संक्रमितको संख्या ६५ हजार ७१९ पुगेको छ । त्यहाँ यो समाचार तयार पार्दासम्म ३ हजार २९५ जनाले संक्रमणबाट ज्यान गइसकेको छ । पछिल्लो २४ घण्टामा चीनमा ३ जनाको मृत्यु र ५४ जना नयाँ संक्रमित भेटिएका छन् ।

जर्मनीमा कोरोनाबाट संक्रमित हुनेको संख्या ५० हजार नाघेको छ । त्यहाँ ३ सय ५१ जनाको ज्यान गइसकेको छ । यस्तै, नयाँ तथ्यांक अनुसार इरानमा २ हजार ३७८ र फ्रान्समा १९ सय ९५ जनाले कोरोनाबाट ज्यान गुमाएका छन् ।

भारतमा कोरोनाका कारण मृत्यु हुनेको संख्या २० र संक्रमितको संख्या ८ सय ८७ पुगेको छ । यस्तै, पाकिस्तानमा ११ जनाको मृत्यु र १ हजार ३ सय ७३ जना संक्रमित भएका छन् ।

नेपालमा हालसम्म ४ जना कोरोना संक्रमित भेटिएका छन् । जसमध्ये तीन जनाको उपचार भइरहेको छ । एक जना भने उपचार गरेर घर फर्किसकेका छन् ।

सम्बन्धित समाचार

मोरङको कटहरीमा दुर्घटना, हुलाकका कर्मचारीको मृत्यु

विराटनगर । मोरङको कटहरिमा सवारी दुर्घटनामा परेर हुलाकका कर्मचारीको घटनास्थलमै मृत्यु भएको छ । पश्चिम दिशाबाट आउँदै गरेको ट्रकले पछाडिबाट मोटरसाइकललाई ठक्कर दिँदा मोरङको बुढिगंगा १ का ३७ बर्सिया चन्द्रमणि अधिकारीको घटनास्थलमै मृत्यु भएको प्रहरीले...

लागुऔषध सहित मोरङ र झापाबाट पाँच जना पक्राउ

विराटनगर । मोरङ र झापाबाट लागूऔधषसहित पाँच जनलाई प्रहरीले पक्राउ गरेको छ । झापाबाट तीन र मोरङबाट दुई जनालाई लागूऔषधसहित पक्राउ गरेको हो । झापाको २ छुट्टा छुट्टै स्थानहरुबाट ३ जना लाई प्रहरीले प्रतिबन्धित लागुऔषध...

फर्मासिस्ट दरबन्दी सृजना गर्न लागि पर्नेछु : स्वास्थ्य सचिब देवकोटा

विराटनगर । स्वास्थ्य मन्त्रालय कोशी प्रदेशकी सचिब डा. सुधा देवकोटाले फर्मासिस्टको दरबन्दी सृजना गर्न पहल गर्ने बताएकी छिन् । नेपाल फर्मास्युटिकल एसोसिएन (एनपीए) कोशी प्रदेशले विराटनगरमा सोमबार विश्व फर्मासिस्ट दिवसको अवर पारेर आयोजना गरिएको कार्यक्रममा...

पहिचानको आन्दोलन एमालेप्रतिमात्र लक्षित भयो : मुख्यमन्त्री

विराटनगर । कोशीका मुख्यमन्त्री हिक्मतकुमार कार्कीले संघीय सरकारको नेतृत्व गरेकै दलले प्रदेश नामकरणको विपक्षमा भएको आन्दोलनलाई उक्साइरहेको आरोप लगाएका छन् । गृहमन्त्रालयले विराटनगरमा आयोजना गरेको कार्यक्रममा उनले कोशीमा समस्या उत्पन्न गराउने र आगोमा घिउ थप्ने...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्