वडा नं. ८ स्थित केर्खा खोलामा निर्माणाधिन अवस्थाको पुल ।
शनिश्चरे, ५ चैत । पथरीशनिश्चरे नगरपालिकाको वडा नं. ८ वडाको वजेट काार्यान्वयनमा अरु वडालाई उछिन्दै अग्रस्थानमा देखिएको छ । वडा नं. ८ ले चालु आर्थिक वर्षमा विनियोजन गरेको बजेटबाट ९५ प्रतिशत काम सम्पन्न गरि अन्य वडाभन्दा अग्रस्थानमा आएको हो ।
वडाले भौतिक पूर्वाधार, सामाजिक विकास, आर्थिक विकास र लक्षित वर्ग गरी जम्मा ८५ लाख रुपैयाँ वजेट विनियोजन गरेको थियो । जसमा वडा नं. ८ मा पहिलो तथा वडाको सबैभन्दा ठूलो योजनाको रुपमा केर्खा खोलामा पुल निर्माणको काम थालनी भएको थियो । जसको लागि २८ लाख रुपैयाँ बजेट विनियोजन भएको थियो । पुल निर्माणको काम भइरहेको छ ।
यस्तै, वडा नं. ८ को मिलन आधारभुत विद्यालय पश्चिम बाँसबारी चोक र रायटोल बाटो स्तरोन्नतीको काम भएको छ । जसका लागि ५ लाख रुपैयाँ विनियोजन गरिएको थियो । वडाको बजेटबाट शुक्रबारे बजार दक्षिण मालिमेको घर हुँदै शुक्रबारे बजार जोड्ने बाटो स्तरोन्नती भएको छ । उक्त बाटोको दुवै तर्फ नाली बनाई ग्राभेल गर्ने कार्य भएको छ । बस्ती बसेदेखि अहिलेसम्म कुनै सरकारी बजेट नपरेको बाटोमा यसपाली वडा कार्यालयले मर्मत र ग्राभेल गर्न ५ लाख रुपैयाँ छुट्याएकोमा खुशी व्यक्त गर्छन् उपभोक्ता समिति अध्यक्ष खडानन्द सुनार ।
मंगलबारे बजार र विसविघे ढल तथा बाटो स्तरोन्नतीका लागि वडाले ३ लाख रुपैयाँ छुट्याइ अहिले काम सम्पन्न भइसकेको छ ।
डांसखोलाले क्षती गरेको बारे देखउंदै वडाध्यक्ष बाबुराम दाहाल ।
पथरीशनिश्चरे वडा नं. ८ ले विकास निर्माणका साथै शैक्षिक क्षेत्र सुधारका लागि समेत रकम विनियोजन गरेको छ । जसमा मिलनचोकको मिलन आधारभुत विद्यालयको पठन पाठन व्यवस्थापनका लागि ३ लाख रुपैयाँ विनियोजन गरेको छ । जुन रकमले विद्यालयको छाना चुइने भएकोले त्यसको मर्मत गरी बचेको पैसाले निजी श्रोतका शिक्षक÷शिक्षिकालाई तलब खुवाउने प्र.अ. धलबहादुर मगरले बताए ।
यसैगरी हरेक वर्षात्को बाढीले क्षती व्यहोरिरहेका वडावासीलाई केही राहत होस् भन्ने हेतुले डाँसखोलामा २ वटा स्पोर निर्माण गरेको छ । मंगलबारे बजार पूर्व ३२० मिटर बाटो ग्राभेलका साथै स्तरोन्नती समेत गरेको छ ।
दोहलु शुक्रबारे बजारदेखि दक्षिण सुनार टोलमा बाटो फराकीलो गर्नुका साथै ग्राभेल गरिएको अवस्था ।
यस वडाले सामाजिक विकास तर्फ १० लाख रुपैयाँ छुट्याएकोमा वडाभरीका तीनवटा सामुदायिक विद्यालयमा पठन पाठन व्यवस्थापनका लागि रकम अनुदान सहयोग गरेको छ । जसमा बुद्ध मावि, दुर्गा आधारभुत, मिलन आधारभुत विद्यालयलाई ३ लाखका दरले ९ लाख रुपैयाँ र प्रभात सामुदायिक युवा क्लबलाई १ लाख रुपैयाँ सहयोग गरेको वडाध्यक्ष बाबुराम दाहालले जानकारी दिए ।
यस्तै आर्थिक विकास तर्फ ७ लाख ५० हजार रुपैयाँ विनियोजन गरेको छ । जसमा सोमबारे बजार र शुक्रबारे बजार व्यवस्थापनका लागि रकम खर्च गरेको हो । वडाले किसानको उत्पादन बढाउन मद्दत पुगोस भनेर सिंचाईमा समेत रकम विनियोजन गरेको छ । यस्तै लक्षित वर्ग तर्फ महिला, बालबालिका, जेष्ठ, आदिवासी जनजाति, दलित, अपांगता भएका व्यक्तिका लागि भनेर ४ लाख रुपैयाँ विनियोजन गरेको छ ।
विराटनगर, १२ माघ । बुधबार भएको राष्ट्रियसभा निर्वाचनममा प्रदेश १ मा सत्ता जगठबन्धनका तर्फबाट उम्मेदवार बनेकी नेकपा (एस) की नेतृ जयन्ती राई विजयी भएकी छन् । उनले नेकपा एमालेकी उम्मेदवार सुमित्रा भण्डारीलाई पराजित गरेकी हुन्...
आज कोरोना भाइरस संक्रमित भेटिएका व्यक्ति कतारबाट नेपाल आएको पाइएको छ। उनले कतारबाट नेपाल आएर काठमाडौंको एक होटलमा बसेका स्वास्थ्य मन्त्री भानुभक्त ढकालले बताए । उनी धादिङ निवास ३२ वर्षीय पुरुष रहेको पनि उनले बताए...
काठमाडौं, २९ साउन-आज पनि देशका विभिन्न स्थानमा वर्षाको सम्भावना रहेको छ । मौसम पूर्वानुमान महाशाखाका अनुसार बिहीबार दिउँसो गण्डकी प्रदेश, प्रदेश ५, कर्णाली र सुदूरपश्चिम प्रदेशका १/२ स्थानमा भारी वर्षाको समेत सम्भावना रहेको छ ।...
काठमाडौं, १३ असोज । नेपाल क्रिकेट संघ (क्यान) का उपाध्यक्ष राजुबाबु श्रेष्ठ र सचिव अशोकनाथ प्याकुर्यालले राजीनामा दिएका छन् । क्यानका अध्यक्ष चतुरबहादुर चन्दसँग असहमति राख्दै राजीनामा घोषणा गरेका हुन् । ‘हामीले क्यानलाई अप्ठेरो परेका...
नेपालमा पहिलो पटक अर्को व्यक्तिबाट सरेर एकजनामा कोरोना संक्रमण पुष्टि भएको छ । यसरी अर्को व्यक्तिबाट कोरोना सरेका व्यक्ति दुबईबाट फर्किएका पुरूषकाे आफन्त हुन् । ११ चैतदेखि प्रादेशिक अस्पताल धनगढीमा उपचाररत ती पुरूष नेपालका चौथो संक्रमित...
काठमाडौं, २३ असार-समाजवादी पार्टीले सांसद सरिता गिरीलाई पार्टी र सांसद पदबाट बर्खास्त गर्ने तयारी गरेको छ । गिरीमाथि कारबाहीका लागि आज समाजवादी पार्टीको बैठक बसिरहेको पार्टीले जनाएको छ । नेपालको निशान छाप संशोधन प्रस्ताव खारेजीको...
विराटनगर, चैत ११–सरकारले लकडाउनको घोषणा गरेसँगै सहरका सडकहरु सुनसान जस्तै देखिएका छन् । सडकमा अत्यवश्यक बाहेकका सवारी साधन देखिदैनन् भने हिड्डुल गर्ने सर्वसाधारण समेत कमै देखिन्छन्। धरानमा मंगलबार नेपाल प्रहरी र नगर प्रहरीले सर्वसाधारणलाई आवागमन...