विराटनगर । राष्ट्रिय सौन्दर्यकर्मी युनियन नेपाल इनरुवा नगर कमिटीको गठन भएको छ। रिता सिंहको अध्यक्षतामा १३ जनाको कमिटी गठन गरिएको हो।
गठन कार्यक्रममा प्रमुख अतिथिका रूपमा कोशी प्रदेश अध्यक्ष कला डाँगी , अतिथिहरूका रूपमा कोशी प्रदेश सदस्य सृजना बस्नेत, नविना तबदार, इटहरी उपमहानगर कमिटी अध्यक्ष पूजा भट्टराई, सचिव निशा पौडेल र सल्लाहकार रजिना तिम्सिनाको उपस्थिति रहेको थियो।
नवगठित कमिटीमा रिता सिंह अध्यक्ष, रेनु मण्डल उपाध्यक्ष, राधा कोइराला सचिव, बिमला ढुङ्गाना सहसचिव र सुम्निमा पोखरेल कोषाध्यक्षको जिम्मेवारी सम्हाल्नेछिन्।
कमिटीका सदस्यहरूमा पूजा कुमारी पौदार, मोनिका कटुवाल, अनिता कटुवाल, कोपिला कटवाल, निशा शर्मा, कल्पना पर्साई र राधा महतो रहेका छन्। सल्लाहकारको जिम्मेवारी विनिता दाहाल रहेका छन् ।
कार्यक्रममा प्रमुख अतिथि कोशी प्रदेश अध्यक्ष कला डाँगीले सौन्दर्यकर्मी क्षेत्रको विकासका लागि संगठनको महत्वपूर्ण भूमिकाबारे प्रकाश पारिन्। उनले भनिन्, ‘सौन्दर्यकर्मी क्षेत्रमा काम गर्ने दिदीबहिनीहरूको अधिकार र हितको संरक्षणका लागि यस्ता संगठनहरूको आवश्यकता छ। यो कमिटीले स्थानीय स्तरमा सौन्दर्यकर्मीहरूको सीप विकास र आर्थिक सशक्तिकरणमा महत्वपूर्ण योगदान पुर्याउनेछ।’

नवनिर्वाचित अध्यक्ष रिता सिंहले सौन्दर्यकर्मी क्षेत्रमा काम गर्ने महिलाहरूको व्यावसायिक सीप विकास, रोजगारीका अवसर सिर्जना र सामाजिक सम्मान दिलाउने दिशामा काम गर्ने प्रतिबद्धता जनाइन्। उनले भनिन्, ‘हाम्रो मुख्य उद्देश्य सौन्दर्यकर्मी क्षेत्रमा संलग्न सबै दिदीबहिनीहरूलाई एकजुट गरेर उनीहरूको व्यावसायिक क्षमता विकासमा योगदान पुर्याउनु हो।’
कार्यक्रममा उपस्थित अन्य पदाधिकारीहरूले पनि यो कमिटीले स्थानीय स्तरमा सौन्दर्यकर्मी क्षेत्रको विकासमा सकारात्मक प्रभाव पार्ने विश्वास व्यक्त गरे। उनीहरूले सरकारी र गैरसरकारी निकायहरूसँग समन्वय गरेर सौन्दर्यकर्मीहरूका लागि विभिन्न तालिम कार्यक्रमहरू सञ्चालन गर्ने योजना रहेको जानकारी दिए।