विराटनगर । ६८ औँ सहकारी दिवसको अवसरमा विराटनगरमा बृहत मोटरसाईकल र्याली निकालिएको छ । सोमबार अपराहन्न विराटनगरस्थित पुष्पलाल चौकबाट निकालिएको बृहत मोटरसाइकल र्याली रोडशेष चोकमा सम्पन्न भएको थियो ।
र्यालीमा एक हजार बढी संख्यामा सहकारी अभियान्ता र सहकारीकर्मीहरुको उत्साहजनक सहभागीता रहेको थियो । र्यालीपछि आयोजित कोणसभामा संयोजक उमेश गुरु, दिवस मुल समारोह समिति संयोजक डिल्ली पोखरेल र राष्ट्रिय सहकारी महासंघका वरिष्ठ उपाध्यक्ष रमेश पोखरेलले सम्बोधन गरेका थिए ।
र्यालीमा एक हजार बढीको सहभागीता रहेको जिल्ला बहुउद्देश्यीय सहकारी संघ लिमिटेड मोरङका अध्यक्ष माधव अधिकारीले जानकारी दिए । ६८ औं राष्ट्रिय सहकारी दिवस–२०८१ यस वर्ष पनि विराटनगरमा भव्यरुपमा मनाउन लागिएको छ । कार्यक्रमलाई भव्य बनाउन ५०१ सदस्यीय मूल समारोह समिति गठन गरिएको संयोजक डा. डिल्ली पोखरेलले बताए ।
कार्यक्रममा कोशी प्रदेशका मुख्यमन्त्री हिक्मत कुमार कार्की प्रमुख अतिथिका रूपमा सहभागी हुनेछन् । दिवस भव्य रुपमा मनाउन विभिन्न १२ वटा उपसमितिहरू गठन गरिएका छन्।
यसै सन्दर्भमा चैत्र १९ गते मंगलबार साँझ ६ बजे महेन्द्र चौकमा दीप प्रज्वलन कार्यक्रम आयोजना गरिनेछ । जसमा हजारौँ सहकारीकर्मीहरूको उपस्थिति रहने जनाइएको छ ।
प्रचार उपसमितिका सह–संयोजक अविनाश निधिका अनुसार मोरङ जिल्लाका करिब ९ सय सहकारी संघ÷संस्थाबाट हजारौँ सहकारीकर्मीहरू विराटनगरमा सहभागी हुनेछन्। यस भव्य कार्यक्रममा सहकारी क्षेत्रका विभिन्न प्रतिनिधिहरूको उल्लेखनीय सहभागिता रहने अपेक्षा गरिएको छ।