विराटनगर । विराटनगरस्थित शिक्षादीप कलेजले विद्यार्थीहरुलाई पुरस्कृत र सम्मान गरेको छ । कलेज परिसरमा बुधबार एक कार्यक्रम आयोजना गरी उनीहरुलाई पुरस्कृत र सम्मान गरेको हो ।
कक्ष ११ र १२ को प्रथम त्रैमासिक परीक्षामा ८० प्रतिशत बढी अंक ल्याउने विज्ञान र व्यवस्थापन संकायका विद्यार्थीहरुलाई कलेजले सम्मान र पुरस्कृत गरेको कलेजका प्रिन्सिपल ज्ञानबहादुर खड्काले जानकारी दिए । विज्ञान संकायका ११४ र व्यवस्थानमा २३ जना गरी १३७ जनालाई सम्मान गरेको छ । त्यसैगरी ८० प्रतिशत भन्दा बढी अंक ल्याउने सर्वोत्कृट १० जना विद्यार्थीहरुलाई नगदसहित कलेजले पुरस्कृत गरेको छ ।
कलेजका निर्देशक रमेश कुमार मण्डल, राजेन्द्र प्रसाद यादव, डा. रोहित नारयण मण्डल, भुपेन्द्र दाहालले सम्मान र पुरस्कृत गरेका थिए ।