विराटनगर । उद्योग संगठन मोरङले शुभकामना आदानप्रदान कार्यक्रम सम्पन्न गरेको छ । नेपालीहरूको महान चाड शुभ–दीपावली, नेपाल सम्वत् ११४५ र छठ पर्वको अवसर पारेर संगठनले सोमबार शुभकामना आदानप्रदान कार्यक्रम आयोजना गरेका हो ।

कार्यक्रममा सबै क्षेत्रका व्यक्तिहरुको उपस्थिती रहेको थियो । उद्योग संगठन मोरङका अध्यक्ष राकेश सुराना, निवर्तमान अध्यक्ष सुयश प्याकुरेल, बरिष्ठ उपाध्यक्ष नन्दकिशोर राठी, उपाध्यक्ष राजकुमार गोल्छा, भोलेश्वर दुलाल, बिपिन काबरा, कोषाध्यक्ष सुबोध कोइराला, कार्यसमिति सदस्य पारस लुनिया, राजन खत्री र सौरभ सारडाले अतिथिहरूलाई स्वागत र सम्मान गरेका थिए । संगठनले आगन्तुक पाहुनाहरूलाई तिहारको देउसी भैली गीतले पनि स्वागत गरेका थिए । नेपालहीहरुको महान चाडपर्वहरुले भाइचारा कायम गर्न ठूलो सहयोग पुग्ने उद्योग संगठन मोरङका वरिष्ठ उपाध्यक्ष नन्दकिशोर राठीले बताए ।