विराटनगर । होलीमा ट्राफिक नियम उल्लघंन गर्ने ८७० वटा सवारी साधनलाई कारवाही गरेको छ । कोशी प्रदेश प्रहरी कार्यालय विराटनगरले तराइमा सोमबार भएको होली पर्वमा ट्राफिक नियम उल्लघंन गर्ने ८७० वटा सवारी साधन कारवाही गरेको प्रदेश प्रहरी कार्यालयले जनाएको छ ।

कारवाहीमा परेको मध्ये दुई पाग्रे सवारी साधन ८२८ र आटो सिटी ४० र चार पाङग्रे २ वटा रहेको प्रदेश प्रहरीले जनाएको छ ।
होली मनाउने नाममा मापसे गरेर सवारी साधन चलाइरहेका र ट्राफिक नियम उल्लघंन गर्नेलाई कारवाहीको दायरामा ल्याएको कोशी प्रदेश प्रहरी कार्यालय विराटनगरका सूचना अधिकारी डिएसपी सुनिल दाहालले जानकारी दिए । कोशी प्रदेशको सबैभन्दा बढी झापामा सवारी साधान बढी कारवाहीमा परेको छ । झापामा ट्राफिक नियम उल्लघन गरेर सवारी चलाउने ४१८ वटा सवारी साधन कारवाहीमा गरिएको एसपी दहालले बताए । यसैगरी मोरङमा २५६ वटा सवारी साधन कारवाहिमा गरिएको मोरङ ट्राफिक प्रहरी प्रमुख प्रहरी निरीक्षक सुमन न्यौपानेले जानकारी दिए । ट्राफिक नियम उल्लघन गरेर सवारी चालाउने चालकलाई कारवाहीको दायारमा ल्याएको उनले बताए ।
यसैगरी सुनसरीमा १६३ र उदयपुरमा २४ वटा सवारी साधान कारवाहीमा गरिएको प्रहरीले जनाइएको छ ।

कोशी प्रदेश प्रहरी कार्यालयले होली पर्वलाई लक्षित गरेर सुरक्षा व्यवस्था मजबुत बनाएको थियो । होलीमा कोशी प्रदेशमा ४ हजार ८ सय ६ं५ जना परिचालन भएको प्रदेश प्रहरीले जनाएको छ । प्रदेशभरीमा ११७ ठाउँमा चेकिङ, मोवाइल गस्ती ९६, पैदल गस्ती १८७, क्यूआरटी ३७८, अनुगमन ३१, रिजर्भ ३२ रहेको उनले बताए ।

होलीमा सुरक्षा व्यवस्था मजबुत बनाउन कोशी प्रदेशको राजधानी विराटनगरमा सिसी टिभिबाट पनि निगरानी गरिएको थियो । मोरङमा पनि तीन दर्जन भन्दा बढी स्थानमा संयुक्त चेकिङको व्यवस्था गरिएको थियो ।
सम्भावित घटनाहरु हुन नदिनका लागि भीडभाड हुने ठाउँहरुमा सिसि टिभिबाट पनि निगरानी गरिएको प्रहरीले जनाएको छ ।
होलीलाई मर्यादित रुपले मनाउन सामाजिक सञ्जालबाट पनि प्रहरीले सचेत गराएको उनले बताए ।