विराटनगर । विभिन्न कार्यक्रम आयोजना गरि प्याब्सनको ३३ औं स्थापना दिवस मनाएको छ । मोरङ प्याब्सनले विराटनगरमा विविद्य कार्यक्रम आयोजना गरि स्थापना दिवस मनाएको हो ।

विराटनगरमा रहेको प्याब्सनको कार्यालयमा मंगलबार साझमा दिप प्रज्जवल कार्यक्रम आयोजना गरि स्थापना दिवस मनाएको प्याब्सन मोरङका अध्यक्ष प्रेमलाल सिंह सुवालले जानकारी दिए । दिप प्रज्वलन गरेपछि विराटनगर १० मा रहेको मानव सेवा आश्रममा रहेका असाय ज्येष्ठ नागरिक र बालवालिकाहरुलाई भोजन पनि गराएको छ । प्याब्सनका केन्द्रीय उपाध्यक्ष राजेश कुमार दास, सल्लाहकार सावित्रा कुमारी पराजुली, प्याब्सन मोरङका अध्यक्ष सुवाल, प्याब्सनका पदाधिकारी, सदस्य तथा विद्यालयका शिक्षकहरुको उपस्थितीमा मानव सेवा आश्रममा रहेका ६० जना भन्दा बढी असायहरुलाई भोजन गराएको छ । स्थापना दिवसमा पुण्यको काम गराउने उद्देश्यले आश्रममा रहेका ज्येष्ठ नागरिक र बालवालिकाहरुलाई भोजन गराएको अध्यक्ष सुवालले बताए ।

यसैगरी प्याब्सन विराटनगर महानगरपालिकाले पनि स्थापना दिवसको अवसर पारेर मानव सेवा आश्रममा विहानको भोजन गराएको छ ।