विराटनगर । विराटनगर ७ सातघुम्तीमा रहेको एक कवाडी गोदाममा आज दिउँसो भएको आगलागीमा परी ३० वर्षीय दिपक मण्डलको मृत्यु भएको छ । मण्डलको विराटनगरस्थित न्यूरो हस्पिटलमा उपचारको क्रममा मृत्यु भएको मोरङ प्रहरीका डिएसपी रन्जन कुमार दाहालले जानकारी दिए ।

आगलागीमा परी अन्य चार जना घाइते भएका छन् । तीन जनाको अवस्था गम्भिर रहेको मोरङ प्रहरीले जनाएको छ । उनीहरुको उपचार विराटनगरस्थित न्यूरो हस्पिटल र कोशीमा उपचार भइरहेको छ । आगलागी अहिलेसम्म पूर्ण रुपमा नियन्त्रण भएको छैन ।