सधैं इमान जोगाएर अघि बढ्नुपर्नेमा मन्त्री घिमिरेको जोड - News Birat

सधैं इमान जोगाएर अघि बढ्नुपर्नेमा मन्त्री घिमिरेको जोड

न्यूज विराट

विराटनगर, फागुन १६–प्रदेश–१ का सामाजिक विकासमन्त्री जीवन घिमिरेले जनप्रतिनिधिहरुले सधैं इमान जोगाएर अघि बढ्नुपर्नेमा जोड दिएका छन् । मन्त्री घिमिरेले शुक्रबार मोरङको पथरी शनिश्चरेको नगरसभाको उद्घाटन् गर्दै जनप्रतिनिधिहरुले आफने इमान जोगाउने परीक्षामा सधैं उतीर्ण हुनुपर्ने बताएका हुन् ।

हिउँदे अधिवेशनका रुपमा रहेको नगरसभामा बोल्दै उनले विगत २० वर्षको अवधिको भन्दा पछिल्लो २ वर्षको अवधिमा बढी काम भएको प्रसंग उल्लेख गर्दै अबका कामलाई अझै व्यवस्थित गरेर लान सुझावसमेत दिए । उनले राजनीतिले जनतालाई अधिकार खोज्ने मात्र बनाएको र आफ्नो कर्तव्य पूरा गर्न नसिकएकाले भएको कामप्रति पनि सन्तुष्ट नहुने प्रबृत्तीले सरकारी निकायलाई जस नदिएको चर्चा गरे ।

कार्यक्रममा, संविधानसभा सदस्य लालबहादुर सुस्लिङ, प्रदेश सांसद लिलावल्लभ अधिकारी, कृष्णकुमारी राईलगायतले नगरको समग्र विकासमा ध्यान दिनुपर्नेमा जोड दिए । कार्यक्रममा नगरमा ४ सय ६६ योजनामध्ये ३८ योजना सम्पन्न भएको र १ सय ६२ योजना सम्झौता भइसकेको प्रमुख प्रशासकीय अधिकृत अम्बिकाप्रसाद धमलाले जानकारी गराए ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles