विराटनगर । विराटनगर–९ मा रहेको एम्स कलेजमा अध्ययरत ममता राई नेपाल तेस्रो तथा कोशी प्रदेश प्रथम भएकी छिन् ।
राईले विएचएम चौथो समेष्टरको परीक्षामा ३. ९८ जिपिए ल्याइ नेपाल तेस्रो तथा कोशी प्रदेश प्रथम भएकी हुन् । राईले सर्वोउत्कृष्ट नतिजा ल्याएपछि कलेजले नगद १५ हजार रुपैयाँसहित शुक्रबार भव्य कार्यक्रम आयोजना गरी सम्मान गरिएको छ । कलेज परिसरमा एक कार्यक्रम आयोजना गरी उनलाइ कदर पत्र, दोसल्ला र नगदसहित सम्मान गरिएको हो ।

राईलाई क्याम्पस प्रमुख शशांक पोखरेल र सहायक क्याम्पस प्रमुख इन्द्र घिमिरेले सम्मान गरे । कलेजले टपर विद्यार्थी ममतासँगै उनको अभिभावकलाई समेत सम्मान गरेको छ । यस अघि पनि ममताले प्रदेश स्तरमा उच्च स्थान प्राप्त गर्न सफल भएकी थिइन्। विगत ५ वर्षदेखि त्रिभुवन विश्वविद्यालयको विएचएममा उत्कृष्ट नतिजा ल्याउन सफल भएको कलेजले जनाएको छ ।