सुनिल थापा कांग्रेस सहमहामन्त्रीमा मनोनित - News Birat

सुनिल थापा कांग्रेस सहमहामन्त्रीमा मनोनित

न्यूज विराट
काठमाडौं, २८ कात्तिक-राष्ट्रिय प्रजातन्त्र पार्टी (राप्रपा)बाट प्रवेश गरेका सुनिल थापा नेपाली कांग्रेसको सहमहामन्त्री भएका छन् । शुक्रबार बसेको कांग्रेसको केन्द्रीय कार्यसमिति बैठकले थापालाई सहमहामन्त्रीमा मनोनीत गरेको हो ।

राप्रपाको एकता भएपछि असन्तुष्ट बनेका थापाले आफ्नो समूहका नेतासहित कांग्रेसमा प्रवेश गरेका थिए । थापासँगै कांग्रेसमा प्रवेश गरेका ६ जनालाई केन्द्रीय सदस्य बनाउने निर्णय पनि बैठकले गरेको छ ।

थापासँग कांग्रेसमा प्रवेश गरेका रामप्रसाद भट्टराई, विष्णुविक्रम थापा, बाबुराम बस्नेत, वृजलाल यादव, किरण गिरि, टिएन योगीलाई केन्द्रीय सदस्य र दिलीप राई, आशाराम चौधरी, राजेशबहादुर सिंहलाई आमन्त्रित केन्द्रीय सदस्य बनाउने निर्णय गरेको कांग्रेसका मुख्य सचिव कृष्णप्रसाद पौडेलले जानकारी दिए ।

३१ साउनमा थापा, केन्द्रीय कार्यसमितिका १६ जना सदस्यसहित ३१ जना कांग्रेसमा प्रवेश गरेका थिए । सहमहामन्त्री बनेका थापा राप्रपाका संस्थापक नेता पूर्वप्रधानमन्त्री सूर्यबहादुर थापाका छोरा हुन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles