काठमाडौं, माघ १३–नेविसंघका विद्यार्थीबीच जारी झडपकै बीच कांग्रेसले महाधिवेशनबाहेकका सबै अधिवेशनको मिति परिवर्तन गर्ने निर्णय गरेको छ । पार्टी केन्द्रीय कार्यालयमा बसेको बैठकले गत ११ पुसमा पेस गरेको महाधिवेशन कार्यतालिकामध्ये महाधिवेशनबाहेकका कार्यतालिका परिवर्तन गरेको हो । अब केन्द्र भन्दा भन्दा तल्ला समितिहरूले २०७७ कात्तिकभित्र अधिवेशन सक्नुपर्नेछ । यसअघि यो मिति २०७७ सम्म तय भएको थियो । नेविसंघका कार्यकर्ताबीच विवाद भइरहे पनि यो विषयमा भने केन्द्रीय समितिले कुनै निर्णय गर्न सकेन ।

कार्यालय परिसर विद्यार्थीबीचको भिडन्तले रणभूमि बनेपछि नेताहरूलाई प्रहरीले स्कर्टिङ गरी बाहिर निकालेको छ भने कार्याकर्ताबीच झडप जारी छ । नेविसंघमा ३२ वर्षमुनिलाई नेतृत्व दिनुपर्ने माग गर्दै रिले अनसनमा बसेका कुन्दराज काफ्ने नेतृत्वको समूहमाथि नेविसंघ काठमाडौंका अध्यक्ष मनोज वैद्य समूहले आक्रमण गरेपछि कांग्रेस मुख्यालय तनावग्रस्त छ ।