विराटनगर । पढाइ सकिएलगतै रोजगारी सुनिश्चित हुन थालेपछि प्राविधिक शिक्षामा विद्यार्थीको आकर्षण बढ्दै गएको छ । अध्ययनपछि बेरोजगार बस्नु नपर्ने भएकाले विद्यार्थीको आकर्षण प्राविधिक शिक्षामा भएको हो ।

विद्यार्थीको आकर्षण बढेसँगै प्राविधिक शिक्षा पढाउने कलेजहरुको संख्या पनि विराटनगरमा थपिँदै गएको छ । प्राविधिक शिक्षा अध्ययन गराउने मध्ये एक अब्बल शैक्षिक संस्था हो, विराटनगर – १ तिनपैनीमा रहेको कोशी हेल्थ ईन्स्टिच्युट । २०५४ सालदेखि प्राविधिक शिक्षा प्रदान गरी वर्षेनी दक्ष जनशक्ति उत्पादन गर्दै आएको ईन्स्टिच्युट हो, कोशी हेल्थ । विराटनर १ तिनपैनीमा रहेको कोशी हेल्थ ईन्स्टिच्युटमा सक्षम नेतृत्व, कुशल व्यवस्थापन र मेहनती शिक्षक शिक्षिकाहरुबाट कोशी हेल्थ ईन्स्टिच्युटमा पठनपाठन हुने भएको कारणले यहाँ पढन धेरै अभिभावकका छोराछोरीहरू लालायित हुने गरेका छन् ।

एइइ उत्तिर्ण गरेका विद्यार्थीहरुको लागि कोशी हेल्थमा सिमित कोटा राखेर भर्ना आव्हान गरेको छ । सामान्य चिकित्सा (एचए) मा ४० जना, डिल्पोमा ईन फार्मेसीमा ४० र मेडिकल ल्याब टेक्नोलोजीमा ३० जनाको कोटा राखेर भर्ना आव्हान भएको कोशी हेल्थ ईन्स्टिच्युटका प्रशासन प्रमुख सुधन पौडेलले जानकारी दिए । ४०–४० जनाको कोटामा ४–४ जना र ३० जनाको कोटामा तीन जनालाई पूर्ण छात्रवृत्तीमा अध्ययन गराउने उनले बताए ।

‘यी तीन वटा कार्यक्रमबाट वर्षेनी १ सय १० जना विद्यार्थी उत्तीर्ण हुने गरेका छन् । हाम्रो कलेजबाट उत्तीर्ण भएका कोही पनि बेरोजगार छैनन्, उनले भने । प्राविधिक शिक्षा अध्ययनका लागि आकर्षित भएको र उत्तीर्णमध्ये ३९ प्रतिशत सरकारी, ४२ प्रतिशत स्वरोजगार, १९ प्रतिशत गैरसरकारी संस्था र विदेश जाने गरेका छन् ।

कोशी प्रदेशमा फार्मेशी पढाउने ६ वटा, एचए पढाउने १६ वटा, मेडिकल ल्याब पढाउने १५ वटा कलेज रहेको छ । यसैगरी स्टाफ नर्स पढाउने कोशी प्रदेशमा पाँच वटा कलेज रहेको छ ।