विराटनगर । विराटनगरस्थित कोशी हेल्थ एण्ड साइन्स क्याम्पसको बीपीएच चौथो वर्षमा अध्ययरत तीन जना विद्यार्थीहरूले कलेज प्रशासन नियोजित रुपमा लागेर अनुर्तिण गराएको आरोप लगाएका छन् ।
विराटनगरमा मंगलर पत्रकार सम्मेलन गरी रुपा न्यौपाने, मनिषा यादव र अन्नयीया भगतले कलेज प्रशासनको लापरवाही र नियतबस रूपमा बीपीएसको सातौं सेमेष्टरको प्रयोगात्मक परीक्षामा अनुर्तिण गराएको आरोप लगाएका हुन् ।

पूर्वाञ्चल विश्व विद्यालयले बीपीएस सातौं सेमेष्टरको परीक्षा २०७९ पुस २६ देखि २९ गतेसम्म भएको थियो । जेठ १ गते प्रकाशित भएको नतिजा अनुसार न्यौपाने र भगत पब्लिक हेल्थ इजिक्स र कनप्रेसीङ पब्लिक हेल्थ म्यानिजमेन्टको प्रयोगात्मक परीक्षामा अनुर्तिण भए । थेउरीमा उनीहरु पास भएका छन् । क्याम्पसले उनीहरू विश्वविद्यालयबाट बाह्य परिक्षकको रुपमा आएका परिक्षकहको राय बमोजिम प्रयोगात्मक परीक्षा लिने क्रममा गरिएको कोडिङ्गलाई अन्तिम मार्कसिटमा उतार्ने क्रममा क्रुटि भइ विद्यार्थीको नतिजामा फरक परेको बताएको छ । तर, अनुर्तिण भएका विद्यार्थीले प्रयोत्मक परीक्षा लिन आएका बाह्य परीक्षकसँग बुझदा कुनै पनि विद्यार्थीलाई फेल हुने गरी मुल्याकन नगरेको विद्यार्थी न्यौपानेले बताइन् । ‘प्रयोगात्मक परीक्षाको अंक क्याम्पसले दिने गरेको बाह्य परीक्षकले पनि भनेका छन् । कलेज प्रशासनले पनि आफ्नो गल्ती स्वीकार गरेका छन्,’ पत्रकार सम्मेलनमा न्यौपानेले भनिन्, ‘हामी तीन जना विद्यार्थीलाई नियोजित रुपमा प्रयोगात्मक परीक्षामा कम अंक दिएर अनुर्तिण गराएका हुन् । ’

कलेजको लापरवाही र नियोजित रुपमा अनुर्तिण गराएकोले कलेज प्रशासनलाई कारवाहीको माग र परीक्षाको नतिजा पुनरावलोकनको लागि विश्व विद्यालयसँग पनि माग गर्ने विद्यार्थीहरुको भनाई छ । ‘कलेजका प्रिन्सिपलले कक्षाकोठामा एक दिन अपशब्द प्रयोग गरेका थिए । त्यसपछि हामीले प्रिन्सिपल सरलाई माफी पनि मगाएका थियौं,’ उनले भनिन्, ‘तेही रिषलाई लिएर हामी तीन जना विद्यार्थीलाई नियोजित रुपमा प्रयोगत्मक परीक्षामा अनुर्तिण गराएको हो ।’
यता कलेजका प्रिन्सिपल सुर्य नारयण चौधरीले विद्यार्थीलाई अनुर्तिण गराउने कलेजको कुनै हात नहुने बताए । ‘पूर्वाञ्चल विश्वविद्यालयबाट वाह्य परिक्षकको रुपमा आएका परिक्षकहरुबाट प्रयोगात्मक परीक्षा लिने र ग्रेडिङ गरेर अंक दिने हो,’ प्रिन्सिपल चौधरीले भने, ‘फेल र पास गराउने यसमा हाम्रो कुनै हात नै हुदैन ।’