विराटनगर । मोरङको सुनवर्षी नगरपालिका १ का १४ वर्षीय बिशाल माझीको हत्या गरेको आरोपमा एक दम्पती पक्राउ गरेका छन् । पक्राउ पर्नेमा ३५ वर्षीय विरेन्द्र पासवान र उनकी ३४ वर्षीया श्रीमति डल्ली पासवान रहेका छन् ।

श्रीमति डिल्लीसँग विशाले अवैध सम्बन्ध राखेको भन्दै विरेन्द्रले चक्कु प्रहार गरी ११ फागुन राती ८ बजे हत्या गरेको मोरङ प्रहरीले जनाएको छ । हत्यामा सहयोगी भूमिका निर्भाह गरेको भन्दै विरेन्द्रको श्रीमति डिल्लीलाई पनि प्रहरीले पक्राउ गरेको छ ।

माझीको हत्या गरेपछि उनीहरूले घरनिजकको पोखरीको डिलमा खाडल खनेर शव गाढेको अवस्थामा फेला परेको मोरङ प्रहरीका प्रवक्ता डिएसपी टिकाबहादुर कार्कीले जानकारी दिए । उनीहरुले हत्या गरेको ६ दिनपछि प्रहरीले शव फागुन १७ गते फेला पारेको थियो । शव फेला पारेको दिन उनीहरूलाई पक्राउ गरेको मोरङ प्रहरीका डिएसपी कार्कीले बताए ।

प्रहरीको प्रारम्भिक अनुसन्धानबाट विरेन्द्रको श्रीमति डिल्लीसँगको अवैध सम्बन्ध रहेको आङ्कामा विशालको हत्या गरेको खुलेको छ ।