विराटनगर । १२ दिने सेल्फ मेकअप तालिम सम्पन्न भएको छ । विराटनगर महानगरपालिका ५ नम्बर वडाको सहयोग र मिनाज ब्यूटि केयर एण्ड पार्लरको आयोजनामा उक्त तालिम आइतबार सम्पन्न भएको हो ।
विराटनगर ५ नम्बर वडा भित्रका महिलाहरुलाई आत्मनिर्भर बनाउने उद्देश्यले सेल्फ मेअकप तालिम दिएको मिनाज ब्यूटि केयर एण्ड पार्लरको संयोजक तथा प्रशिक्षक भलि सुब्बाले जानकारी दिइन् । समापन कार्यक्रमको प्रमुख अतिथि विराटनगर ५ का वडाअध्यक्ष सन्तोष न्यौपानेले महिलाहरुलाई आत्मनिर्भर बनाउनको लागि सिपमुलक तालिमहरु आवश्यक रहेको बताए । आगमी दिनमा पनि यस्ता तालिमहरु वडा कार्यालयले दिएर अगाडी बढने बताए । तालिममा सिकेको ज्ञान व्यर्वहारमा उतारेर आत्मनिर्भर बन्नुपर्नेमा वडाअध्यक्ष न्यौपानेले जोड दिए ।
तालिममा सहभागि भएका प्रशिक्षार्थीहरुले पनि सिकेको सिप व्यर्वहारमा उतारेर अगाडी बढने बताए । समापन कार्यक्रममा वडा सदस्यहरुको पनि सहभागिता रहेको थियो । सो तालिमको प्रशिक्षहरुमा भली सुब्बा र अमिता पोख्रेल पौडेलले गरेका थिए ।
कार्यक्रममा विराटनगर ५ का वडासदस्यहरु अन्जु दाहाल, रोम बहादुर भट्टराई, राधा देवी पासवान र सुर्यलाल उराउ रहेका थिए । सो कार्यक्रमको संचालन ब्यूटिसियन बसन्ती गुरूङले गरेकी थिइन् ।