विराटनगर । नेपाल पूर्व प्रहरी संगठन परिवार विराटनगरको अध्यक्षमा पूर्व डिएपी कविन्द्र कुमार कार्की चयन भएका छन् । विराटनगरमा शनिबार भएको प्रथम नगर साधरणसभाबाट कार्की सर्वसम्मत चयन भएका हुन् ।

उपाध्यक्षमा पूर्व प्रहरी निरीक्षक मोहन रायमाझी, सचिबमा पूर्व प्रहरी निरीक्षक राधेश्याम घिमिरे र कोषाध्यक्षमा प्रर्वप्रहरी सम्पन्नलाल चौधरी रहेका छन् । सदस्यहरुमा यादव खड्का, पेशल भट्टराई, प्रकाश गुप्ता, टिका ठकुरी, छवि अधिकारी, सुर्य नारयण मण्डल, राजेन्द्र यादव, सुर्य बहादुर नेपाली, संगीता बोगटी र पदम श्रेष्ठ रहेका छन् ।

कार्यक्रममको प्रमुख अतिथि पुर्व डिआइजी भक्तिनाथ माझी र विशेष अतिथि मोरङ प्रहरी प्रमुख एसपी दिपक पोखरेल रहेका थिए । कार्यक्रममा बोल्दै पूर्व डिआइजी माझीले देशमा पुर्व प्रहरिहरुको संगठन हुदा हुँदै संगठनका वर्तमान केन्द्रय अध्यक्ष वसन्त कुंवरले आफू सधै पदमा रहि रहने निकृष्ठ अभिप्रायले आफू अनुकुलको गैर सम्वैधानिक केन्द्रीकृत विधान बनाएको आरोप लगाए । उनले प्रदेश भरि १४ जिल्लाको पुर्व प्रहरिहरुको महाभेलाले संगठनमा तत्काल केन्द्रिय उपाध्यक्ष एआईजि कल्यान कुमार तिमिल्सिनाको संयोजनमा गठन भएको १ नं प्रदेश कमिटिलाई आफुअनुकुल नभएको भन्दै मान्यता नदिई आफू अनुकुल व्यक्तिलाई मनोनित गरेको बताए ।

उनले यस प्रदेशको सम्पुर्ण पुर्व प्रहरिहरुको भावना माथि खेलवाड गरि सवैलाई अपमानित हुने कृयाकलाप गरेकोले १ नं प्रदेशका सवै पुर्व प्रहरिहरुको मर्म र भावनालाई कदर गर्दै पुर्व प्रहरी,अमर प्रहरि तथा निजहरुको आश्रीत परिवारहरुको हकहितको पक्षमा कामगर्नको लागि यो नेपाल पुर्व प्रहरी परिवारको गठन भएको बताए ।
कार्यक्रममा मोरङ प्रहरी प्रमुख एसपी दिपक पोखरेल र विराटनगर ४ का वडाअध्यक्ष जितन थापाले बोलेका थिए । नेपाल पूर्व प्रहरी संगठन परिवार विराटनगरले आफ्नै भवन बनाउँदैछ । विराटनगर महानगरपालिकाले विराटनगर ४ मा जग्गा दिएपछि पुर्व प्रहरीहरुले दुई तलाको भवन निर्माण भइरहेको नेपाल पूर्व प्रहरी संगठन परिवारको सल्लाहकार रामकुमार श्रेष्ठले बताए ।