विराटनगरमा चारसहित प्रदेश १ मा ५७ जनामा कोरोना संक्रमण
विराटनगर, ७ मंसिर । प्रदेश १ मा पछिल्लो २४ घण्टामा ५७ जनामा कोरोना संक्रमण भएको छ । ३५६ जनाको पीसीआर परीक्षण गर्दा ४७ र ८३ जनाको एन्टिजेन परीक्षण गर्दा १० जनामा संक्रमण देखिएको सामाजिक विकास...
काठमाडौँ, माघ १९–सत्तारुढ नेकपाका सांसद चक्रप्रसाद स्नेहीले डडेल्धुरा जिल्लास्थित नेकपाका आलिताल गाउँपालिका कमिटी अध्यक्ष ज्ञानेन्द्रप्रसाद जोशीलाई कुटपिट गरी घाइते बनाउनेमाथि सांघातिक आक्रमण गर्ने चेतावनी दिएका छन् । राष्ट्रियसभाको आइतबारको बैठकमा विशेष समयमा बोल्दै सांसद स्नेहीले गाउँ कमिटी अधयक्ष जोशीलाई १७ माघ ११ बजे मरणासन्न हुने गरी कुटपिट गरी घाइते बनाएपछि शिक्षण अस्पताल महाराजगञ्जमा उपचार भइरहेको पनि जनाए ।
‘कुनै समूहलाई नेकपाको डाहा र ईर्ष्या हुन्छ भने सैद्धान्तिक छलफलमा आओस्, होइन भने हातमा दही जमाएर बस्ने स्थिति हुन्न’, सांसद स्नेहीले भने, ‘हाम्रा साथीहरूको धैर्यताको बाँध टुटेको छ र स्थानीय कमिटी पनि सांघातिक आक्रमण गर्न बाध्य हुन्छ ।’ नेकपाको लोकप्रियताबाट अत्तालिएर सांघातिक हमला गरिएको भन्दै सांसद स्नेहीले स्थानीय नेकपाका कार्यकर्ताले हातमा दही जमाएर नबसेको भन्दै प्रतिवाद हुने बताए । उनले घाइतेको उपचारको व्यवस्था गर्न र दोषीको खोजी गरी कारबाही गर्न सरकारसँग माग गरेका छन् ।
