विराटनगर । निमोनियाले ग्रसित भएका एक जना बालकको विराटनगरस्थित एम्स हस्पिटलमा सफल उपचार भएको छ । वरिष्ठ बाल रोग विशेषज्ञ चिकित्सक डा। राजेश यादवले सप्तरी घर भएका १० वर्षीय बालक सौरव यादव निमोनिया भएपछि सिकिस्त बिरामी भएर एम्स हस्पिटल आएका थिए ।

‘निमोनियाको कारणले श्वासप्रश्वासमा समस्या भएपछि गाह्रो भएर आएका थिए । बिरामीको अवस्था निकै नाजुक रहेको थियो । एम्स हस्पिटलमा राखेर १० दिन उपचार गरेपछि अहिले पूर्ण रूपमा ठिक भएका छन्,’ बाल रोग विशेषज्ञ डा। यादवले भने, ‘स्याचुरेसन लेभल पनि निकै कम थियो । ९५ भन्दा माथि हुनुपर्ने ठाउँमा बिरामी बच्चाको ५०÷६० मात्र रहेको थियो । स्वास लिन गाह्रो थियो । यहाँ आइपुग्दा बच्चा बेहोस थिए । आइसियुमा दुई दिन राखेर उपचार गरेपछि बिरामीको स्वास्थ्यमा सुधार आयो । त्यसपछि जनरेल वार्डमा सारेर १० दिन उपचार गरेपछि बिरामीको अवस्था ठिक भयो ।’
बिरामीका आफन्तले माया मारिसकेको बालकलाई बचाएको डा। यादवले बताए । बालकको आर्थिक अवस्था पनि नाजुक रहेको थियो । बिरामीलाई घर लैजाने पैसा पनि नभएपछि हामीले सहयोग गरेको उनले बताए ।
बालक यादवको सफल उपचार भएपछि डिस्चार्ज दिइएको छ । चिकित्सक यादवले सफल उपचार गरेर पुनः जन्म दिएको बालकका परिवारले बताएका छन् । उपचार संलग्न चिकित्सक र एम्स हस्पिटल प्रति कृतज्ञ भएको उनीहरूको भनाई छ ।

‘बाबुलाई बचाउन एम्स हस्पिटलले गरेको यो उपचार हामी बिर्सन सक्दिनम । उपचारमा सहयोग पु¥याउने चिकित्सकहरू प्रति आभारी छु । उपचारमा खटिनुहुने डाक्टरले हाम्रो बाबुलाई बचाउनुभयो । अहिले हिँडडुल गर्न सक्ने भएका छन् । बाबुले नयाँ जीवन पाए,’ बालकका आफन्त कविता यादवले भनिन् ।
यस अघि पनि एम्स हस्पिटले जटिल प्रकृतिका बिरामीहरूको सफल उपचार गर्दै आएको छ ।