लेखा परीक्षक घिमिरेको मृत्यु प्रकरणमा प्रहरी अनुसन्धान फितलो भएको आफन्तको गुनासो

 न्यूज विराट
लेखा परीक्षक घिमिरेको मृत्यु प्रकरणमा प्रहरी अनुसन्धान फितलो भएको आफन्तको  गुनासो

विराटनग, माघ १३-सिंघीया खोलामा मृत भेटिएका विराटनगरका लेखा परीक्षक प्रबल घिमिरेको मृत्यु प्रकरणमा प्रहरी अनुसन्धान प्रभावकारी रुपले अघि नबढेको आफन्तले गुनासो गरेका छन् । घटनाको एकसाता बित्न लाग्दासमेत मृत्युको रहस्य खुल्न नसक्नु आश्चर्यजनक रहेको उनीहरुको भनाइ छ । गएको माघ ७ गते विराटनगर तीनपैनीस्थित सिंघीया खोलामा मृत भेटिएका विराटनगर–२ का ५० वर्षिय लेखापरीक्षक घिमिरेको मृत्यु प्रकरण रहस्यमय रहे पनि त्यसअनुसार प्रहरी अनुसन्धानले गति नलिएको आफन्तले गुनासो गरेका हुन् ।

एक सातासम्म घटनाको विषयमा प्रहरीले खुलासा गर्न नसकेको भन्दै आफन्तले प्रशासन गुहारेका छन् । यथाशक्य छिटो छानबिन र अनुसन्धान गर्न माग गर्दै मोरङ जिल्ला प्रशासन कार्यालय पुगेका आफन्तले सो बिषयको ज्ञापनपत्र बुझाएका छन् । विराटनगर–२ का वडाध्यक्ष कुमार पोखरेलसहित नेकपाका नेता बाबुराम कार्की र मृतक घिमिरेका आफन्तले मोरङका प्रमुख जिल्ला अधिकारी मदन भुजेललाई ज्ञापनपत्र बुझाएका छन् ।

ज्ञापनपत्र बुझाउँदै नेकपाका नेता कार्कीले घटनापछि अनुसन्धानले अपेक्षित गति नलिएको गुनासो गरे । मृतक घिमिरेका दाजु रबिन घिमिरेले ६ गते साँझ साथीहरुसँग हिँडेका आफ्ना भाइ मृत भेटिनु शंकास्पद रहेको बताए । सँगै गएका सबै जना सकुशल घर फर्किए पनि आफ्ना भाइ खोलामा मृत भेटिनु र उनले बोकेको मोबाइलसमेत हराउनुले भाइको हत्या भएको हुनसक्ने आशंका ब्यक्त गरे । घटनाको अुनसन्धान प्रगतिको विषयमा प्रतिक्रिया दिनुहुँदै जिल्ला प्रहरी कार्यालय मोरङका प्रवक्ता लोकदर्शन थापाले घटनाका बिषयमा ७ जनासँग सोधपुछ गरिनुका साथै थप अनुसन्धानलाई अघि बढाइएको बताए ।

६ गते साँझ साथीहरुसँग पार्टी खान भन्दै हिंड्ेका प्रबल साढे १० बजेपछि परिवारसँग सम्पर्कविहीन भएका थिए । विराटनगरकै एक होटलमा साथीहरुसँग भोज खानुभएका घिमिरे त्यसपछि साथीकै कारमा रातको साढे १० बजे गोल्छाचोकसम्म आएको र त्यहाँ उत्रिएको जनाइएको छ । त्यसको केही समयपछि नै आफूले घरको बाटो बिर्सिएको भन्दै श्रीमती मुना घिमिरेलाई मोबाइलबाट कुरा गरेको आफन्तले बताएका छन् । सो रात खोजतलास गरे पनि नभेटिएका उनको शव माघ ७ गते घरभन्दा ५ सय मिटर पूर्व–दक्षिण सिंघिया खोलामा भेटिएको थियो । घटनाको रात गोल्छाचोकबाट घरतर्फ फर्किदै गरेका घिमिरेको सिसि टिभी फुटेजसमेत भेटिएको छ । फुटेजमा सामान्यरुपमा उनी हिंडिरहेको देखिन्छन् ।

सम्बन्धित समाचार

विराटनगरमा उपचाररत एक कोरोना संक्रमितको मृत्यु

विराटनगर, १४ असोज-असोज-मोरङको विराटनगरस्थित कोशी अस्पताल कोभिड–१९ उपचार केन्द्रमा उपचाररत एक जना कोरोना संक्रमित पुरुषको उपचारका क्रममा मृत्यु भएको छ। मृत्यु हुनेमा मोरङको जहदा गाउँपालिका ६ का ६० वर्षीय पुरूष रहेको केन्द्रका संयोजक चिकित्सक दीपक...

२८ दिनपछि डा. केसीले तोडे अनशन

काठमाडौं, २५ असोज-चिकित्सा शिक्षा सुधारको माग राख्दै अनशनरत प्रा.डा. गोविन्द केसीले आइतबार बिहान अनशन तोडेका छन् । शनिबार राति अबेर सरकारसँग ८ बुँदे सम्झौता गरेका केसीले आइतबार बिहान अनशन तोडेका हुन् । शिक्षण अस्पताल महारागन्जमा...

हल्लाको भरमा ग्यास अभाव, नयाँ सिलिण्डर किन्नमा रोक

काठमाडौं, चैत ३–बजारमा कोरोना भाइरसको त्रास बढेसँगै खाना पकाउने एलपी ग्यासको अभाव भएपछि नयाँ सिलिण्डर बिक्रीवितरणमा रोक लागेको छ । सोमबार प्रेस विज्ञप्ति जारी गर्दै नेपाल एलपी ग्यास उद्योग संघ र ग्यास विक्रेता महासंघ नेपालले...

जम्मु र काश्मिरमा ९३ जना आतंककारी मारिएको दाबी

एजेन्सी, जेठ २६-भारतीय सुरक्षा निकायले जम्मु तथा काश्मिरमा पछिल्लो ६ महिनामा कम्तीमा पनि ९३ जना आतंककारी मारिएको भारतीय सेनाले जनाएको छ । भारतीय प्रहरीले सो क्षेत्रमा गएको६ महिनाभन्दा लामो समयदेखि आतंकारीका विरुद्धमा कडा काराबाही जारी...

विद्युतको खपत घटेपछि कुलमानको आग्रह ‘ग्यास हैन इन्डक्सन चलाउनुस्’

विश्वभर महामारीको रुपमा फैलिएको कोरोना भाइरसको संक्रमणबाट बच्न लकडाउन घोषणा भएसँगै विद्युत्को माग (लोड) पनि ह्वातै घटेको छ । बढी विद्युत् खपत गर्ने कलकारखाना,होटल, व्यापारिक भवन, कार्यालयहरु बन्द भएपछि विद्युत्को माग ह्वातै घटेको हो ।...

पहिरोले अरुण नदी थुनियो

विराटनगर, ७ असार-संखुवासभाको मकालु गाउँपालिका–२ ओयाङ्गमा गएको पहिरोले आशिंक रुपमा अरुण नदी थुनिएको छ । मकालु गाउँपालिकाको २ र ५ को सीमानामा आज बिहान करिब ६ सय मिटर माथिबाट खसेको पहिरोले अरुण नदी थुनिँदा ताल...

भारतमा एक महिनामा थपिए २६ लाख संक्रमित

एजेन्सी, १५ असोज-भारतमा पछिल्लो एक महिनामा २६ लाख नयाँ कोरोना संक्रमित थपिएका छन् । अगष्टयता सङ्क्रमण ७१ प्रतिशतले वृद्धि भएको भारतीय सञ्चारमाध्यमले उल्लेख गरेका छन् । भारतको विभिन्न राज्यमा सञ्चालन गरिएको ‘सिरो प्रिभेलेन्स’ सर्वेक्षणले यस...

३२ एसपीकाे एसएसपीमा बढुवा सिफारिस

नेपाल प्रहरीका ३२ जना एसपीलाई एसएसपीमा बढुवा सिफारिस गरिएको छ । बढुवा समितिले ३२ एसपीको एकैपटक एसएसपीमा बढुवा सिफारिस गरेको हो । बढुवा सिफारिसको पहिलो नम्बरमा प्रहरी प्रधान कार्यालय सुरक्षा सेवा व्यवस्थापन निर्देशनालय अंगरक्षण गण नक्सालका...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्