विराटनगर । सत्तारूढ दल नेकपा माओवादी केन्द्र निकट अखिल नेपाल महिला संघ (क्रान्तिकारी) प्रदेशको ९१ सदस्यको कमिटि गठन भएको छ ।
विराटनगरमा आइतबार भएको प्रथम अधिवेशनबाट अध्यक्षसहित पदाधिकारी चयन हुन नसक्दा ९१ सदस्य गठन भएको हो ।
अनेमसंघ प्रदेश अध्यक्षमा दुई जनाको दाबी रहेपछि पदाधिकारी टुंगो नलागेको माओवादीका नेताहरुले बताएका छन् । अनेमसंघ प्रदेशको अध्यक्षमा नेकपा माओवादी केन्द्र प्रदेश सदस्य तथा महिला संगठनको केन्द्रीय सचिवलाय सदस्यद्धोय विराटनगरकी लत्ता न्यौपाने र झापाकी निरु खतिवडाले दाबी गरेकी छिन् । उनीहरुले अन्तिमसम्म अध्यक्षमा दाबी नछोडेपछि सर्वसम्मत नेतृत्व चयन हुन नसकेको हो । ‘सर्वसम्मत नेतृत्व चयन गर्ने अन्तिमसम्म प्रयत्न गरियो । तर, सकिए । त्यसपछि ९१ सदस्य कमिटि गठन भएको हो । अहिले चयन गरिएको सदस्यहरूबाट पदाधिकारीहरू टुंगो लाग्नेछन् । त्यसको लागि हामीले एक हप्ताभित्रमा पनि सहमति गर्ने प्रत्यन्त गरिएको छ । त्यसपछि पनि सहमति हुन सकेन भने निर्वाचनबाट नेतृत्व चयन हुनेछन्,’ माओवादी केन्द्रका एक जना केन्द्रीय सदस्यले भने ।
अनेमसंघको प्रथम अधिवशेनमा माओवादी केन्द्र प्रदेश इन्चार्ज हरीबोल गजुरेल, पूर्व सभामुख ओनसरी घर्तीमगरलगायतको उपस्थिती रहेको थियो ।