विराटनगर, १ फागुन । विराटनगरमा तास खेलिरहेको अवस्थामा प्रहरीले ६ जनालाई पक्राउ गरेको छ ।

पक्राउ पर्नेमा विराटनगर महानगरपालिका–१४ का २३ वर्षीय सुबोध यादब, सोही ठाउँका २२ वर्षीय प्रकाश यादव, २८ वर्षीय मुकेश यादव, ३८ वर्षीय महानन्द यादव, २८ वर्षीय दिना यादव र ३० वर्षीय केसाल यादव रहेका छन् ।

उनीहरुलाई बिराटनगर महानगरपालिका वडा नं– १४ स्थितमा तास खेलि रहेको अबस्थामा इलाका प्रहरी कार्यालय रानीबाट खटिएको प्रहरी टोलीले पक्राउ गरेको हो ।

पक्राउ परेका उनीहरुको विषयमा जुवा कसूरमा पाँच दिन म्याद थप भइ अनुसन्धान भइरहेको जिल्ला प्रहरी कार्यालय मोरङका प्रवक्ता प्रहरी नायव उपरिक्षक दिपक श्रेष्ठले जानकारी दिए ।