विराटनगर, ४ कात्तिक । सोमबारदेखिको अविरल वर्षाका कारण आएको बढीले. नेपाल विद्युत प्राधिकरणको दुहवी ग्रीडमा क्षती पुर्याएपछि विराटनगर क्षेत्रमा अवरुद्ध भएको विद्युत सुचारु भएको छ ।

प्रदेश १ का अधिकांश जिल्लामा विद्युत आपूर्ती हुने दुहवी ग्रीडमा बाढीले क्षती पुगेपछि मंगलबार साँझदेखि विद्युत अवरुद्ध भएको थियो । दुहवी सबस्टेशनमा क्षती पेगेपछि त्यहाँबाट विद्युत ‘सप्लाई’ हुने सवै क्षेत्रमा एकैपटक विद्युत अवरुद्ध भएको थियो ।

विस्तारै पानिको सतह घटेर सबस्टेशना मर्मत गरिएपछि विराटनगर वितरण केन्द्र अन्तर्गतका क्षेत्रमा पुनः विद्युत सुचारु भएको हो । क्षती पुृगेको ठाउँमा मर्मत गरिएपछि विद्युत सुचारु सुरु गरिएको नेपाल विद्युत प्राधिकरण विराटनगर वितरण केन्द्रका प्रमुख रोशन खड्काले जानकारी दिए ।

मंगलबारदेखि प्रदेश १ को मोरङ जिल्लाका सवै स्थानीय तह, सुनसरी र धनकुटाका सवै र तेह्रथुममा आंशिक विद्युत अवरुद्ध भएको थियो । दुहवी ग्रीड अन्तर्गतका मोरङ, सुनसरी र धनकुटाका सवै क्षेत्रमा विद्युत अवरुद्ध हुँदा ती क्षेत्र अन्धकार बनेका थिए ।

मंगलबारदेखिको लगातार विद्युत अवरुद्ध हुँदा सञ्चार सेवा समेत प्रभावित भएको थियो । लगातार विद्युत अवरुद्ध हुँदा इभर्टरको चार्ज समेत सकिएपछि उपभोक्ताहरु समस्यमा परेका थिए ।

अहिले विराटनगर क्षेत्रमा विद्युत सुचारु भएपनि क्रमशः सवै क्षेत्रमा नियमित विद्युत सुचारु गराउने प्रयास जारी रहेको नेपाल विद्युत प्राधिकरणले जनाएको छ ।