विराटनगर, २० असोज । विराटनगरका विभिन्न व्यवसायीलाई धम्कि दिएर रकम अशुली गर्ने दुई जनालाई प्रहरीले पक्राउ गरेको छ ।

विराटनगर महानगरपालिका स्थित स्थानिय व्यवसायीलाई धाकधम्की दिई रकम माग गर्ने दुई जनालाई प्रहरीले विराटनगर बसपार्कबाट पक्राउ गरेको हो ।

पक्राउ पर्नेमा विराटनगर–१२ का २७ वर्षीय शम्भु पासवान र सोही ठाउँका २८ वर्षीय अजय पासवान रहेका छन् ।

उनीहरुलाई नगद दशहजार) र रकम माग गर्न प्रयोग भएको थान २ मोवाईल सहित विराटनगर महानगरपालिका वडा नं.–१० स्थित बसपार्कबाट नियन्त्रणमा लिइएको जिल्ला प्रहरी कार्यालय मोरङका प्रवक्ता प्रहरी नायव उपरिक्षक दिपक श्रेष्ठले जानकारी दिए ।

दुवै जनालाइ मोरङ जिल्ला अदालतबाट अपराधिक लाभ लिएको कसूरमा पाँच दिन म्याद थपेर अनुसन्धान कार्य भइरहेको प्रहरीले जनाएको छ ।