३ जना अतिरिक्त प्रहरी महानिरीक्षक (एआईजी) लाई दज्र्यानी चिन्ह प्रदान गरिएको छ । प्रहरी नायव महानिरीक (डीआईजी) पदबाट एआईजीमा बढुवा भएका हरिबहादुर पाल, शैलेस थापा क्षेत्री र तारिणी प्रसाद लम्साललाई प्रहरी महानिरीक्षक (आईजीपी) ठाकुरप्रसाद ज्ञवालीले एआईजी पदको दज्र्यानी चिन्ह प्रदान गरेका हुन् ।

उनीहरुलाई बुधबार प्रहरी प्रधान कार्यालयमा आइजीपी ज्ञवालीले एक कार्यक्रम विच दज्र्यानी चिन्ह प्रदान गरेको थिए । बढुवा भएका तीनै जनालाई नेपाल सरकार (मन्त्रीपरिषद) को ९ चैतको निर्णयले एआईजीमा बढुवा गरेको थियो ।

बढुवा भएका एआईजीहरुलाई आईजीपी ज्ञवालीले बधाई दिँदै पदोन्नति पछिको सांगठनिक योगदान थप महत्वपूर्ण हुने विश्वस ब्यक्त गरे ।‘तपाईहरुको कडा मेहनत, लगनशिलता, इमानदारिता र प्रष्ट सेवाभावको कदर स्वरुप पदोन्नति हुनु भएको छ । भावि रणनीति मजबुत बनाउने र फिल्डमा कार्य गर्ने प्रहरी कर्मचारीको मनोबल उच्च बनाउनेतर्फ तपाईहरुको भूमिका हुनेछ भन्ने आशा छ,’ आईजीपी ज्ञवालीले भने ।