काठमाडौं, ३० असार । नेकपा एमालेका अध्यक्ष केपी शर्मा ओलीले कहीँ नभएको जात्रा रामशाहपथमा भएको टिप्पणी गरेका छन् । प्रधानमन्त्रीको सरकारी निवास बालुवाटार छाडेर बुधबार दिउँसो बालकोटस्थित निजी निवास फर्किएका अध्यक्ष ओलीले जनताको अधिकार खोसेर अदालतबाट प्रधानमन्त्री तोक्ने कामा विश्वमा कहीँ नभएको जात्रा रामशाहपथमा भएको टिप्पणी गरेका हुन् ।
उनले अदालतबाट प्रधानमन्त्री तोक्ने गलत नजिर बसाएर लोकतन्त्र र संविधानमाथि अतिक्रमण गरिएको पनि बताए । ‘ जनतामा जान नदिएर, जनताको बाटो छेकेर अदालतबाट प्रधानमन्त्री तोक्ने गलत नजिर बनाइएको छ,’ उनले भने, ‘विश्वमा कहीँ नभएको नजिर कायम गरेर नेपालको लोकतन्त्र र नेपालको संविधानमाथि अतिक्रमण भएको छ ।’
अध्यक्ष ओलीले अदालतले जनताको अधिकार खोसेको पनि आरोप लगाए । ‘अदालतले प्रधानमन्त्री तोकेर नेपाली जनताको अधिकार खोसेको छ । जनताले आवधिक मूल्यांंकन गर्न पाउने, पार्टीं, नेता र सरकारको मूल्यांकन गर्न पाउने, नीति, विचार र व्यवहारको मूल्यांकन गर्न पाउने जनताको त्यो अधिकार खोसेर अदातलबाट प्रधानमन्त्री तोक्ने काम विश्वमा कहीँ नभएको जात्रा रामशाहपथमा भएको छ,’ उनले भने ।
अध्यक्ष ओलीले देशका लागि राम्रो काम गरेकाले आफूहरूलाई ग्लानी नभएको पनि बताए । उनले आफू चुनाव हारेर प्रधानमन्त्रीबाट नहटेको बताए । ‘पहिले पनि चुनाव हारेर हटेको होइन र अहिले पनि म चुनाव हारेर हटेको होइन । जालीझेलीका कारण पार्टीको सरकार ढलेको हो,’ उनले भने ।
अध्यक्ष ओलीले पार्टीभित्रकै जालीझेलीका कारण पार्टीले सरकार छाड्नु परेको पनि बताए । जालीझेली राजनीतिक पार्टीहरूले सधैँ अदालतको परमादेशबाट किस्तीमा सरकार नपाउने पनि बताए ।
‘जालीझेली राजनीतिक पार्टीहरूले सधैँ अदालत गएर, अदालतको परमादेशबाट सधैँ किस्तीमा सरकार पाउनेवाला छैनन्,’ उनले भने, ‘जालझेल एक– दुई पटक चल्ला । धेरै पटक चल्दैन । फेरि बचेर कहाँ जान्छन् । जनताका बीचमा जानै पर्छ ।’
उनले काम गर्दा पनि गौरवका साथ गर्ने र मर्न पर्दा पनि सानका साथ मर्ने बताए । ‘हामी गौरवका साथ काम गर्छौं र मर्न पर्दा पनि सानका साथ मर्छौं ,’ उनले भने ।
विराटनगर । भनिन्छ अबको युग व्यवस्थापनको हो । व्यवस्थापन विज्ञान मात्रै होइन कला पनि हो भनेर वेत्ताहरुले भन्दै आएका छन् ।यही व्यवस्थापकीय विज्ञान र कला अनि यसका आधारभूत ज्ञान विद्यार्थीमा सञ्चारित गराउँदै आएको एक अब्बल...
काठमाडौं, ५ फागुन । निर्वाचन आयोगले स्थानीय तहको चुनावका लागि मतपत्र खरिदको प्रक्रिया अघि बढाएको छ । आयोगले बिहीबार पत्रकार सम्मेलन गरी स्थानीय तहको चुनावका लागि मतपत्र खरिदको प्रक्रिया अघि बढाएको बताएको हो । आयोगका प्रवक्ता शालिग्राम शर्माले मतपत्र...
विराटनगर । राष्ट्रिय परीक्षा बोर्डले शुक्रबार प्रकाशित गरेको कक्षा १२ को नतिजामा विराटनगरका निजी र सामुदायिक विद्यालयको उत्कृष्ट नतिजा ल्याएका छन् । यहाँका विद्यालयहरुले आ–आफ्नै दावी गरेका छन् । विराटनगर – ३ मा रहेको पोखरीया...
एजेन्सी, १७ कात्तिक-अफगानिस्तानमा भएको हिंसात्मक झडपमा परी कम्तीमा १७५ विद्रोहीहरूको मृत्यु भएको छ । देशको कान्दहार प्रान्तमा भएको झडपमा परी मृत्यु भएकामध्ये केही तालिवान विद्रोहीका कमाण्डरसमेत रहेको जनाइएको छ । घटनाका बारेमा थप विवरण संकलन...
काठमाडौं, १३ जेठ-आज पनि देशका विभिन्न स्थानमा मेघगर्जन, चट्याङ, हावाहुरीसहित वर्षाको सम्भावना रहेको मौसमविद्ले बताएका छन् । नेपालको पूर्वी भूभाग आसपासमा निम्न चापीय प्रणाली रहनुका साथै स्थानीय वायुको पनि प्रभाव रहेकाले आज पनि वर्षाका सम्भावना...
विराटनगर । विराटनगर – ११ मा रहेको किरण क्यालसिक बेकरीले उत्पादन गरेको पाउरोटीमा ढुसी फेला परेको छ । म्याद सकिने मिति दुई दिन बाँकी रहेको पाउरोटीमा ढुसी परेको भेटिएको हो । विराटनगर – ५ चाँदनी...
विराटनगर, चैत २६–लकडाउनको मौका छोपेर लागू औषधको कारोबार गर्ने दुइ जनालाइ मोरंग प्रहरीले पक्राउ गरेको छ । प्रहरीले ३१ ग्राम ब्राउन सुगरसहित दुइ जनालाइ मोरङको बेलबारीबाट पक्राउ गरेको हो । पक्राउ पर्नेमा सिराहाको मिर्चैया ५...
विराटनगर । कोशी प्रदेशमा विद्रोहीलाई साथ दिएको नेकपा एमाले एक महिना नबित्दै पुनः विपक्षमा पुगेको छ। एमालेले केदार कार्की नेतृत्वको सरकार छाडिसकेको छ।एमाले सोमबारदेखि प्रदेश सभामा विपक्षी लहरमा बस्ने भएको छ। विपक्षमा बसे पनि कार्की...
हामीलाई पछ्याउनुहोस्
© 2019-2023 Copyright Birat Times Pvt. Ltd. | All Rights Reserved, Design & Develop By: Indesign Media Pvt. Ltd.