विराटनगर, चैत २६–लकडाउनको मौका छोपेर लागू औषधको कारोबार गर्ने दुइ जनालाइ मोरंग प्रहरीले पक्राउ गरेको छ । प्रहरीले ३१ ग्राम ब्राउन सुगरसहित दुइ जनालाइ मोरङको बेलबारीबाट पक्राउ गरेको हो । पक्राउ पर्नेमा सिराहाको मिर्चैया ५ घर भएका २७ बर्षीय सन्तोष सिंह र २४ बर्षीय विजय मण्डल रहेका छन ।

प्रदेश नं २ को ००१ प २६७२ नम्बरको मोटरसाइकलमा सवार उनीहरुलाई पक्राउ गरिएको मोरंगका प्रहरी उपरिक्षक विश्व अधिकारीले जानकारी दिए । उक्त ब्राउन सुगर झापाको दमकबाट किनेर ल्याएको उनीहरुले बताएको प्रहरीको भनाइ छ । मोरङ प्रहरीले भिडियो कन्फरेन्समार्फत बुधबार पत्रकार सम्मेलन गरि लागू औषधसहित पक्राउ परेकाहरुलाइ सार्वजनिक गरेको हो ।