विराटनगर, १६ जेठ । जिल्ला प्रशासन कार्यालय मोरङले निषेधाज्ञाको अवधि एकसाता थप गरेको छ । सोमबारबाट लागू हुनेगरी एक साताका लागि निषेधाज्ञा थप गरिएको हो ।
मोरङका प्रमुख जिल्ला अधिकारी कोषहरि निरौलाका अनुसार निषेधाज्ञा २४ जेठ राति १२ बजेसम्म रहनेछ । आइतबार चौथौं पटक निषेधाज्ञाको अवधि थपिएको हो ।
निषेधाज्ञा कडाईका साथ लागु गर्ने बताउँदै प्रजिअ निरौलाले उल्लंघन गरे कोभिड–१९ संकट व्यवस्थापन अध्यादेश २०७८ बमोजिम कारबाही गरिने बताए ।
कोरोना महामारीको दोस्रो लहर सुरू भएपछि बैशाख १८ गते राति १२ बजेबाट निषेधाज्ञा जारी गरेको थियो । महामारी नियन्त्रणमा नआएसम्म निषेधाज्ञा थप गर्ने मोरङ प्रशासनले जनाएको छ ।