जनता समाजवादी पार्टीका अध्यक्ष महन्थ ठाकुरले आफू पक्षधर सांसदहरूको बैठक बोलाएका छन् ।

कांग्रेस सभापति शेरबहादुर देउवासँगको छलफल लगत्तै उनले आफूनिकट सांसदहरूको बैठक बोलाएका हुन् । बबरमहलस्थित पार्टी कार्यालयमा दिउँसो तीन बजे सांसदहरूलाई बोलाइएको हो ।

गठबन्धन सरकार निर्माणका लागि बिहीबार साँझ ९ बजेसम्म समय तोकिएको छ । तोकिएको विषयमा दलहरूले छलफललाई तीव्रता दिइरहेका छन् ।

अध्यक्ष ठाकुरले बहुमतको सरकार निर्माणमा सहभागी नहुने बताइसकेका छन् । बैठकमा उनले देउवासँगको भेटबारे ब्रिफिङ गर्ने बताइएको छ ।