संघीय संसद सचिवालयमा गरिएको पीसीआर परीक्षणमा १९ सांसदसहित १६० जनामा कोरोना संक्रमण देखिएको छ । संसद सचिवालयका अनुसार १८ जना प्रतिनिधिसभा सदस्य, एक जना राष्ट्रियसभा सदस्यसहित १६० जनामा कोरोना पुष्टि भएको हो ।

कोरोना परीक्षणका लागि २२, २३ र २४ वैशाखमा २०५ सांसदसहित १ हजार २३५ जनाको स्वाब संकलन गरिएकोमा शनिबार १ हजार २३४ जनाको रिपोर्ट आएको हो । जसमध्ये १६० जना अर्थात् ११.९७ प्रतिशतको रिपोर्ट पोजिटिभ आएको संसद् सचिवालयले जनाएको छ ।

एक जना राष्ट्रियसभा सदस्य, १८ जना प्रतिनिधिसभा सदस्य र १४१ जना सघीय ससद् सचिवालयका कर्मचारी, मर्यादापालक, स्वकीय सचिव, सुरक्षाकर्मी, संसदीय मामिला पत्रकार, बीआसीसीका कर्मचारीलगायतको रिपोर्ट पोजिटिभ आएको हो ।