त्यस्तै, सुन्सरीका ६०, मोरङका ६०, सप्तरीका ३९ र रुपन्देहीका ८२ वर्षीय पुरुषको कोरोना संक्रमणबाट निधन भएको मन्त्रालयले जनाएको छ । योसँगै कोरोना संक्रमणबाट मृत्यु हुनेको संख्या ४ सय ९८ पुगेको मन्त्रालयले जनाएको छ । नेपालमा कोरोना संक्रमणबाट मृत्यु हुने दर ०.६५ प्रतिशत रहेको छ ।

आज देशभर २ सय ३१ जनाको भेन्टिलेटर र आईसीयूमा उपचार भइरहेको छ । जसमध्ये २ सय १ जना आईसीयूमा र ३० जना संक्रमितको भेन्टिलेटरमा उपचार भइरहेको मन्त्रालयको तथ्यांक छ । मोरङ, सुन्सरी, सिराहा, काठमाडौं, भक्तपुर, ललितपुर, चितवन र रूपन्देही जिल्लामा पाँच सयभन्दा बढी संक्रमित रहेका छन् भने मुस्ताङ, मुस्ताङ, डोल्पा, मुगुमा संक्रमण शून्यमा झरेको छ ।

आज देशभर १२ हजार २ सय ५ जनाको परीक्षण गर्दा १ हजार ५ सय ५९ जनामा कोरोना संक्रमण पुष्टि भएको छ । त्यस्तै, आज देशभरबाट १ हजार ५७ जना डिस्चार्ज भएका छन् । आजसम्म १० लाख २१ हजार ५ सय ३ जनाको पीसीआर विधिबाट परीक्षण गर्दा ७७ हजार ८ सय १७ जनामा कोरोना पुष्टि भएको छ ।

संक्रमण पुष्टि भएका मध्ये हालसम्म ५६ हजार ४ सय २८ जना निको भएर घर फर्किएका छन् । संक्रमणमुक्त हुनेको दर ७२.५ रहेको छ । २० हजार ८ सय ९१ जना सक्रिय संक्रमित रहेको मन्त्रालयले जनाएको छ । यीमध्ये १० हजार ८ सय ४ जना होम आइसोलेसनमा छन् भने १० हजार ८६ जना संस्थागत आइसोलेसनमा छन् ।