काठमाडौं उपत्यकामा थपिए १२०७ कोरोना संक्रमित - News Birat

काठमाडौं उपत्यकामा थपिए १२०७ कोरोना संक्रमित

न्यूज विराट
काठमाडौं, २८ कात्तिक-काठमाडौं उपत्यकामा पछिल्लो २४ घण्टाको अवधिमा थप १ हजार २ सय ७ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयका अनुसार शुक्रबार संक्रमित पुष्टि हुनेमा ५ सय २६ महिला र ६ सय ८१ पुरुष रहेका छन् ।

काठमाडौंमा ९ सय १९, भक्तपुरमा १ सय ८ र ललितपुरमा १ सय ८० जना नयाँ संक्रमित थपिएका हुन् । देशभर आज संक्रमित पुष्टि हुनेमा २ हजार १ सय ११ रहेका छन् ।

नेपालमा कोरोना संक्रमितको संख्या २ लाख ६ हजार ३५३ पुगेको छ । यी मध्ये ३७ हजार २२ जना सक्रिय संक्रमित छन् । १ लाख ६८ हजार १२९ जना निको भएका छन् । आज मात्रै ३ हजार ५३७ जना निको भएको मन्त्रालयले जनाएको छ । नेपालमा अहिलेसम्म १५ लाख ९३ हजार ८५० जनाको पीसीआर परीक्षण गरिएको छ । ९ सय ८६ जना क्वारेन्टाइनमा रहेका छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles