आज थपिएका संक्रमितसँगै देशभर कुल संक्रमितको संख्या ३७ हजार नाघेको छ । आजसम्म ३७ हजार ३४० जनामा संक्रमण पुष्टि भएको छ । यीमध्ये १६ हजार ५ सय ७८ जना सक्रिय संक्रमित रहेका छन् । सक्रिय संक्रमितमध्ये ६ हजार ४ सय ४५ जना होम आइसोलेसनमा छन् भने १० हजार १ सय ४५ जना संस्थागत आइसोलेसनमा रहेका छन् ।

त्यस्तै, पछिल्लो २४ घण्टाको अवधिमा ३ हजार १३ जना संक्रमित निको भएर घर फर्किएका छन् । अहिलेसम्म निको हुनेको संख्या २० हजार ५ सय ५५ पुगेको मन्त्रालयको तथ्यांक छ । कुल संक्रमितमध्ये ५५ प्रतिशत निको भएको मन्त्रालयले जनाएको छ ।