कोभिड खोप आयातका लागि समयमै गृहकार्य थाल्न अपिल - News Birat

कोभिड खोप आयातका लागि समयमै गृहकार्य थाल्न अपिल

न्यूज विराट

नागरिक अगुवाले कोभिड- १९ विरुद्धको खोप छनोट र आयातदेखि वितरणको प्राथमिकता निर्धारणसम्म गर्दा पारदर्शी विधि र प्रक्रिया अपनाउन सरकारलाई अपिल गरेका छन् । आज १० जना नागरिक अगुवाले संयुक्त विज्ञप्ति जारी गर्दै कोभिड- १९ विरुद्धको खोप छनोट र आयातका लागि समयमै उचित गृहकार्य गर्न सरकारलाई अपिल गरेका हुन् ।

पूर्वप्रधानन्यायाधी सुशीला कार्की, त्रिभुवन विश्वविद्यालयका पूर्वउपकुलपति डा. केदारभक्त माथेमालगायत १० जनाले संयुक्त रूपमा विज्ञप्ति जारी गरेर सरकारलाई कोभिड- १९ खोपका लागि पारदर्शी विधि अपनाउन आग्रह गरेका हुन् । कोभिड–१९ महामारीले सिर्जना गरेको संकट र निराशाबीच खोप विकास, परीक्षण र वितरणसम्मका समाचारले महामारीबाट मुक्ति पाउन सकिने आशा जागेको पनि उनीहरूले बताएका छन् ।

उनीहरूले जारी गरेको विज्ञप्तिमा भनिएको छ, ‘नेपालले आफैँ भ्याक्सिन विकास नगरेकाले हामीकहाँ भ्याक्सिन खरीद, आयात र वितरणको विषय अहिले महत्वपूर्ण बनेको छ । राज्यका लागि ठूलो आर्थिक र व्यवस्थापकीय भार पर्ने यो काम सामयिक, चुस्त र प्रभावकारी हुन सके हामीले पनि छिट्टै यो महामारीको संकटबाट पार पाउन सक्ने छौँ ।’

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles