सुरु भयो कक्षा १२ को परीक्षा - News Birat

सुरु भयो कक्षा १२ को परीक्षा

न्यूज विराट

काठमाडौं, ९ मंसिर-कोरोना भाइरस (कोभिड-१९) महामारीकाबीच कक्षा १२ को परीक्षा सुरु भएको छ । कोरोनाका कारण ८ वैशाखका लागि तोकिएको परीक्षा मंगलबारदेखि सुरु भएको हो । परीक्षा होम सेन्टरबाट लिइएको छ । कक्षा १२ को पढाइ हुने सबै विद्यालयलाई परीक्षा केन्द्र तोकिएको छ ।

कोरोनाका कारण परीक्षाको पूर्णाङ्क र सयम पनि घटाइएको छ । डेढ घण्टामा ४० पूर्णाङ्कमा लिखित परीक्षा लिइएको हो । ४० प्रतिशत ११ मा प्राप्त गरेको नम्बर र २० प्रतिशत विद्यालयको आन्तरिक मूल्याङ्कनलाई आधार मानेर नतिजा सार्वजनिक गरिने छ ।

स्वास्थ्यको मापदण्ड अनिवार्य पालना गर्न राष्ट्रिय परीक्षा बोर्डले सबैलाई अनुरोध गरेको छ । एउटा कोठामा २० जना विद्यार्थी राख्नुपर्ने, अनिवार्य मास्क लगाउने, विद्यार्थीलाई २ मिटरको दूरीमा राख्ने, परीक्षा अगाडि र परीक्षा सकिएपछि भीडभाड नगर्न बोर्डले अनुरोध गरेको छ । कोरोना संक्रमित भए पुनः परीक्षा दिन पाउने व्यवस्था मिलाइएको छ । परीक्षामा ४ लाख ३३ हजार विद्यार्थी सहभागी छन् ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles