एजेन्सी, साउन ३०-भारतका गृहमन्त्री अमित शाहको कोरोना रिपोर्ट नेगेटिभ आएको छ । गृहमन्त्री शाहले शुक्रबार ट्विट गर्दै आफ्नो रिपोर्ट नेगेटिभ आएको जानकारी दिएका हुन् ।

उनले ट्विटमा लेखेका छन्, ‘आज मेरो कोरोना परीक्षणको रिपोर्ट नेगेटिभ आएको छ । म ईश्वरलाई धन्यवाद दिन्छु र यो समयमा मेरो स्वास्थ्यलाभको कामना गरेर म र मेरो परिवारलाई सान्त्वना दिने सबैप्रति आभार व्यक्त गर्छु । चिकित्सकको सल्लाहअनुसार अझै केही दिनसम्म होम आइसोलेसनमा नै रहनेछु ।’